ܐܡܝܢܝܐܝܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܝܘܡ ܫܒܬܐ 15 ܚܙܝܪܢ 2024، ܒܟܪܘܟܼܝܗ ܓܘ ܐܘܣܬܪܠܝܐ، ܒܣܥܘܪ̈ܘܬܗ ܒܚܒܼܪܘܬܐ ܕܡܫܕܪܘܬܐ ܡܢ ܩܢܛܪܘܢ ܕܝܘܢܢ ܗܘܙܝܐ ܕܒܘܨܝ̈ܐ ܘܕܪ̈ܫܝܬܐ ܕܥܬܝܕܝ̈ܐ ܚܒܼܫܠܗܿ ܟܠ ܡܢ “ܐܕܝܒ ܓܘܓܐ”، “ܥܐܕܠ ܕܢܘ”، “ܡܕܚܬ ܐܠܒܐܙܝ”. ܠܗܘܦܪܟܝܐ ܕܣܝܕܢܝ ܕܙܘܥܐ ܕܝܡܘܩܪܛܝܐ ܐܬܘܪܝܐ، ܒܡܫܪܝܝܗܝ ܒܦܢܝܬܐ ܕܦܝܪܦܝܠܕ ܓܘ ܡܕܝܢ̄ܬܐ ܕܣܝܕܢܝ ܐܘܣܬܪܠܝܬܐ.
ܘܝܗ̄ܘܘ ܒܣܩܒܠܬܐ ܕܡܫܕܪܘܬܐ ܡܫܬܐܠܢܐ ܕܗܘܦܪܟܝܐ ܕܣܝܕܢܝ ܕܙܘܥܐ “ܥܡܢܘܐܝܠ ܣܐܕܐ” ܘܡܢܝܢܐ ܡܢ ܗܕܡ̈ܐ ܕܗܘܦܪܟܝܐ، ܟܕ ܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܚܕܪ ܩܐܡ ܡܪܕܘܬܢܝܐ ܘܐܘܡܬܢܝܐ ܕܥܡܢ ܒܐܬܪܐ، ܘܐܢܢܩܝܘܬܐ ܕܢܛܪܬܐ ܕܡܪܕܘܬܐ ܘܠܫܢܐ ܣܘܪܝܝܐ ܘܛܘܪܢܬܝܗܝ.
ܘܫܘܪܪܠܗ “ܐܘܓܼܢܐ” ܥܠ ܐܢܢܩܝܘܬܐ ܕܥܘܕܪܢܐ ܡܫܘܬܦܐ ܒܝܢ ܫܘܬܐܣ̈ܐ ܕܥܡܢ ܒܐܬܪܐ ܘܓܠܘܬܐ، ܘܦܘܠܚܢܐ ܡܫܘܬܦܐ ܒܢܝܫܐ ܕܡܪܡܬܐ ܕܨܒܼܘܬܐ ܕܡܪܕܘܬܐ ܕܥܡܢ ܘܛܘܪܢܬܗܿ ܒܐܬܪܐ ܘܓܠܘܬܐ.
ܘܦܝܫ ܕܟܝܪܐ، ܕܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ”ܟܠܕܘ ܪܡܙܝ ܐܘܓܼܢܐ” ، ܩܝܡ ܒܣܥܘܪܘܬܐ ܠܐܘܣܬܪܠܝܬܐ ܒܩܪܝܬܐ ܪܘܫܡܝܬܐ ܡܢ ܩܢܛܪܘܢ ܕܝܘܢܢ ܗܘܙܝܐ ܕܒܘܨܝ̈ܐ ܘܕܪ̈ܫܝܬܐ ܕܥܬܝܕܝ̈ܐ ܘܒܝܬ ܘܥܕܐ ܕܣܘܪܝܐ ܡܪܕܘܬܢܝܐ، ܠܕܘܪܫܐ ܚܕܪ ܩܐܡ ܡܪܕܘܬܢܝܐ ܘܐܡܢܝܐ ܕܥܡܢ ܓܘ ܐܬܪܐ، ܓܘ ܡܢܝܢܐ ܡܢ ܥܒܘܕܘ̈ܬܐ ܘܬܦܩܝ̈ܬܐ ܕܟܦܫ ܒܒܢܝ̈ ܥܡܢ ܡܬܘܬܒ̈ܐ ܬܡܐ.