ܡܘܩܪܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܝܘܡ ܥܪܘܒܬܐ 3 ܐܝܪ 2024 ، ܗܘܢܝ̈ܐ ܠܓܠܝܘܢܝ̈ܐ ܘܝܘܕܥܝ̈ܐ ܡܢ ܒܢܝ̈ ܥܡܢ، ܒܦܘܪܣܐ ܕܝܘܡܐ ܬܒܠܝܐ ܕܚܐܪܘܬܐ ܕܓܠܝܘܢܘܬܐ ܗܘ ܡܙܝܚ ܓܘܗ ܬܒܝܠ ܒܝܘܡܐ ܬܠܝܬܝܐ ܡܢ ܐܝܪ ܡܢ ܟܠ ܫܢ̄ܬܐ.
ܘܕܟܪܗ “ܐܘܓܼܢܐ” ܒܗܘܢܝܗ (ܡܩܪܒܼܘܚ ܗܘܢܝܐ ܠܟܝܠܝܗܝ ܫܘܬܐܣܝ̈ܢ ܝܘܕܥܝ̈ܐ ܘܡܛܝܡܢܘܚ ܥܡܠ̈ܐ ܕܦܠܚ̈ܐ ܓܘܝܗܝ ܘܒܣܒܼܪܐ ܕܗܘܝ ܐܢܝ ܫܘܬܐܣ̈ܐ ܒܫܘܝܐ ܬܒܠܝܐ ܒܡܨܝܢ̈ܘܬܝܗܝ ܘܦܘܠܚܢܝܗܝ ܘܗܘ ܡܢܕܝ ܒܫ ܐܢܢܩܝܐ ܥܪܝܬܐ ܕܡܣܝܡܢܘܬܐ ܒܫܢܝܬܐ ܕܛܒܐ ܘܫܪܝܪܘܬܐ ܐܝܟ ܕܝܠܗܿ ܘܪܚܩܐ ܡܢ ܫܩܠܬܐ ܕܦܬܐ، ܘܡܘܙܝܕܠܗ ܒܐ̄ܡܪܐ (ܕܟܼܪܘܚ ܐܕܝܘܡ ܣܗܕ̈ܐ ܕܡܡܠܐ ܚܐܪܐ ܐܝܟܐ ܕܗܘܝ، ܘܕܟܼܪܘܚ ܒܦܪܝܫܘܬܐ ܣܗܕܐ ܕܓܠܝܘܢܘܬܐ ܣܘܪܝܝܬܐ ܡܠܦܢܐ (ܐܫܘܪ ܝܘܣܦ ܒܝܬ ܚܪܒܘܬ) ܘܟܠܝܗܝ ܒܟܪ̈ܗܿ ܐܢܝ ܕܕܒܚܠܗܘܢ ܠܫܢܝܬܐ ܕܫܪܝܪܘܬܐ ܘܚܡܝܬܐ ܕܨܒܘ̈ܬܐ ܕܥܡܝܗܝ).
ܘܫܘܪܪܠܗ “ܐܘܓܼܢܐ” ܣܢܕܬܗ (ܠܟܠܝܗܝ ܓܠܝܘܢܝ̈ܢ ܒܬܒܼܥܬܐ ܕܫܒܝܠܐ ܕܦܘܠܚܢܐ ܓܠܝܘܢܝܐ ܪܨܝܢܐ ܘܚܡܝܬܐ ܕܙܕܩ̈ܐ ܕܥܡܢ ܘܨܒܼܝܢܗ ܚܐܪܐ ܒܚܝܝܬܐ ܒܐܝܩܪܐ ܒܐܪܥܐ ܕܐܒܗ̈ܬܗ).
ܘܦܝܫ ܕܟܼܝܪܐ، ܕܬܒܝܠ ܡܙܝܚ ܒܝܘܡܐ ܬܠܝܬܝܐ ܡܢ ܐܝܪ ܡܢ ܟܠ ܫܢ̄ܬܐ ܒܝܘܡܐ ܬܒܠܝܐ ܕܚܐܪܘܬܐ ܕܓܠܝܘܢܘܬܐ ܘܝܠܗ ܝܘܡܐ ܟܡ ܦܪܫܐܠܗ ܡܛܟܣܬܐ ܕܐܡܘ̈ܬܐ ܡܚܝܕ̈ܐ ܕܬܪܒܝܬܐ ܘܝܘܠܦܢ̈ܐ ܘܡܪܕܘܬܐ (ܝܘܢܣܟܘ)، ܕܡܙܝܚܐ ܒܕܟܪܐ ܕܬܟܠܬܐ ܕܡܘܕܥܢܘܬܐ ܕܘܝܢܕܗܘܟ ܬܫܥܝܬܢܝܬܐ ܗܝ ܕܦܝܫܠܗܿ ܥܒܝܕܬܐ ܒܟܦܫܬܐ ܕܓܠܝܘܢܝ̈ܐ ܐܦܪ̈ܝܩܝܐ ܓܘ 3 ܡܢ ܐܝܪ ܫܢ̄ܬܐ ܕ 1991 .