ܡܫܘܬܦܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܝܘܡ ܬܠܬܒܫܒܐ 8 ܬܫܪܝܢ ܩܕܡܝܐ 2024، ܒܙܘܝܚܐ ܕܟܡ ܥܒܕܐܠܗܿ ܩܢܨܠܝܘܬܐ ܐܠܡܢܝܬܐ ܚܘܝܕܝܬܐ ܒܐܪܒܝܠ، ܒܦܘܪܣܐ ܕܝܘܡܐ ܕܚܕܝܘܬܐ ܐܠܡܢܝܬܐ.
ܘܦܝܫܠܗܘܢ ܡܛܝܒ̈ܐ ܠܙܘܝܚܐ ܡܫܕܪܘܬܐ ܡܢ ܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܒܪܫܢܘܬܐ ܕܪܫ ܩܠܝܡܐ ܡܝܩܪܐ (ܢܝܓ̰ܝܪܦܿܐܢ ܒܐܪܙܢܝ)، ܥܡ ܡܫܕܪ̈ܘܬܐ ܕܒܠܘܡܛܝܩܝ̈ܐ ܕܩܢܨܠܝܘ̈ܬܐ ܘܡܡܬܠܢ̈ܐ ܕܐܬܪ̈ܘܬܐ ܕܐܝܬ ܒܩܠܝܡܐ ܕܟܘܪܕܣܬܢ.
ܘܦܝܫ ܕܟܝܪܐ ، ܕܝܘܡܐ ܕܚܕܝܘܬܐ ܐܠܡܢܝܬܐ ܗܘ ܕܢܦܠ ܒܣܝܩܘܡ 3 ܬܫܪܝܢ ܩܕܡܝܐ ܡܢ ܟܠ ܫܢ̄ܬܐ، ܝܠܗ ܝܘܡܐ ܕܒܛܠܢܐ ܪܘܫܡܝܐ ܒܐܠܡܢܝܐ، ܘܡܙܝܚܝ ܓܘܗ ܒܦܘܪܣܐ ܕܬܢܝܬܐ ܕܚܕܝܘܬܐ ܕܬܪܝܢ ܫܛܪ̈ܐ ܕܐܠܡܢܝܐ ܡܕܢܚܝܐ ܘܡܥܪܒܝܐ ܒܚܕܐ ܕܘܠܬܐ ܚܘܝܕܝܬܐ، ܘܗܘ ܡܡܬܠ ܚܕ ܥܐܕܐ ܐܬܪܢܝܐ ܕܬܪܐ.
