ܫܘܪܪܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܥܠ ܐܢܢܩܝܘܬܐ ܕܬܟܢܘܠܘܓ̰ܝܐ ܘܪܩܡܢܬܐ ܕܡܘܕܥܢ̈ܘܬܐ ܒܢܛܪܬܐ ܕܝܪܬܘܬܐ ܘܡܪ̈ܕܘܬܐ ܕܥܡܡ̈ܐ ܓܙܝܡ̈ܐ ܒܛܠܝܩܘܬܐ، ܒܡܫܘܬܦܬܗ ܒܠܘܡܕܐ ܕܝܠܢܝܐ ܟܡ ܛܟܣܠܗ ܒܝܬ ܕܪܫܐ ܕܒܘܨܝ̈ܐ ܐܟܕܝܡܝ̈ܐ ܓܘ ܥܝܪܩ (TARII) ܒܥܘܕܪܢ ܥܡ ܒܝܬ ܨܘܒܐ ܕܟܘܪܕܣܬܢ ܗܘܠܝܪ ܓܘ ܐܪܒܝܠ (UKH)، ܝܘܡ ܥܪܘܒܬܐ 16 ܫܒܛ 2024 ، ܚܒܫܠܗ ܡܠܘܐܐ ܕܐܝܟܢܝܘܬܐ ܕܢܛܪܬܐ ܕܝܪܬܘܬܐ ܓܘ ܥܝܪܩ.
ܘܫܘܪܪܠܗ “ܐܘܓܼܢܐ” ܒܡܡܠܗ ܠܐܘܦܩ̈ܐ ܚܕ̈ܬܐ ܐܢܝ ܕܣܢܕܠܗܿ ܥܠܗܘܢ ܡܕܒܪܢܘܬܐ ܓܘܢܝܬܐ ܕܡܛܘܦܣ̈ܐ ܒܒܢܝܬܐ ܕܪܩܡܢܬܐ ܘܡܦܠܚܬܐ ܕܐܣܟܝܡܐ ܒܫ ܛܒܐ ܓܘ ܐܫܛܪܐ ܕܝܪܬܘܬܐ ܡܪܕܘܬܢܝܬܐ ܘܐܡܢܝܬܐ ܘܡܬܒܬܗ ܒܝܢܬ ܐܝܕܐ ܕܒܢܝ̈ ܥܡܢ ܘܟܠܝܗܝ ܒܨܘܝ̈ܐ، ܘܫܘܪܪܠܗ ( ܡܕܒܪܢܘܬܐ ܦܠܚܐܝܠܗܿ ܒܡܫܩܠܐ ܩܐܡܝܐ ܠܛܘܝܒܐ ܕܩܝܡ̈ܐ ܡܨܝܢ̈ܐ ܠܡܝܕܥܬܐ ܕܝܘܒܠ̈ܐ ܐܬܝܢ̈ܐ ܒܝܪܬܘܬܐ ܕܐܒܗ̈ܬܐ ܕܦܝܫܝ ܒܫ ܐ̄ܣܝܪ̈ܐ ܓܘܗܿ (.
ܘܬܢܐܠܗ “ܐܘܓܼܢܐ” ܒܡܡܠܗ ܠܐܢܢܩܝܘܬܐ ܕܡܫܘܬܦܬܐ ܕܟܢܘܫܝܐ ܒܥܡܠܝܬܐ ܕܪܩܡܢܬܐ ܘܒܥܠܬܐ ܕܥܡܢ ܦܪܝܣܐܝܠܗ ܓܘ ܐܬܪ̈ܘܬܐ ܡܫܚܠܦ̈ܐ ܕܬܘܬܒܘܬܐ ، ܘܡܘܒܝܢܗ ܒܡܡܠܗ ܕ(ܕܬܟܢܘܠܘܓ̰ܝܐ ܫܒܝܠܐܝܠܗܿ ܒܫ ܦܫܝܛܐ ܠܛܘܦܝܐ ܒܝܢܬ ܓܠܘܝ̈ܘܬܐ ܕܥܡܢ ܐܢܝ ܦܪ̈ܝܣܐ ܒܐܢܝ ܐܬܪ̈ܘܬܐ ܒܐܘܪܚܐ ܕܒܝܡ̈ܐ ܝܘܕܥܝ̈ܐ ܐܠܟܬܪ̈ܘܢܝܐ ܪܚܫܝ ܥܡ ܒܥܝ̈ܬܐ ܕܕܪܐ ܘܬܩܢܝܘ̈ܬܗ ).
ܘܡܘܒܝܢܗ ” ܐܘܓܼܢܐ” ܡܘܦܪܐܠܢ ܬܟܢܘܠܘܓ̰ܝܐ ܓܘ ܦܘܠܚܢܐ ܕܦܝܠܡ̈ܐ ܘܦܝܕܝܘ ܚܒܫܝ ܝܪܬܘܬܐ ܕܥܡܢ ܠܢܛܪܬܗ ܡܢ ܬܠܩܬܐ ܘܦܫܪܬܐ، ܘܐܦ ܗܕܟ ܬܢܐܠܗ “ܐܘܓܼܢܐ” ܚܕܪ ܢܘܣܝܐ ܕܒܝܬ ܥܬܝܩ̈ܬܐ ܣܘܪܝܝܐ ܓܘ ܪܩܡܢܬܐ ܕܐܝܬܘ̈ܬܗ ܘܐܫܛܪ̈ܗ ܐܢܢܩܝ̈ܐ.
ܘܦܝܫܠܗܘܢ ܡܛܝܒ̈ܐ ܠܠܘܡܕܐ ܡܢܝܢܐ ܡܢ ܒܨܘܝ̈ܐ ܘܐܟܕܝܡܝ̈ܐ ܘܟܫܝܪ̈ܐ ܒܓܝܓܼܠܐ ܝܪܬܘܬܢܝܐ ܘܡܪܕܘܬܢܝܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ ܘܥܡ ܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܘܡܢܝܢܐ ܡܢ ܫܕܬܢ̈ܐ ܕܒܝܬ ܥܬܝܩ̈ܬܐ.
