ܦܬܚܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ” ، ܝܘܡ ܥܪܘܒܬܐ 17 ܐܝܪ 2024 ، ܒܝܬ ܓܠܚܐ ܐܡܢܝܐ ܗܘ ܕܦܝܫܠܗ ܥܒܝܕܐ ܒܚܘܬܡܐ ܕܙܘܝܚܐ ܫܢܬܢܝܐ ܩܕܡܝܐ ܕܐܟܕܝܡܝܘܬܐ ܕܐܘܪܢܝܢܐ ܕܐܡܢ̈ܐ، ܓܘ ܐܘܢܐ ܕܐܘܪܝܦܿ ܓܘ ܥܢܟܒܐ.
ܘܚܒܫܠܗܘܢ ܢܘܩܙ̈ܐ ܕܙܘܝܚܐ ܓܠܚܐ ܓܘܠܚܝܐ ܡܫܘܬܦܠܗܘܢ ܓܘܗ ܝܠܘܦ̈ܐ ܕܐܟܕܝܡܝܘܬܐ، ܘܥܡ ܢܘܩܙ̈ܐ ܕܢܩܫܬܐ ܠܚܘܕܝܬܐ ܕܝܠܘܦ̈ܐ ܢܦܝܩ̈ܐ ܡܢ ܐܟܕܝܡܝܘܬܐ ، ܥܡ ܒܝܬ ܓܠܚܐ ܐܡܢܝܐ ܗܘ ܕܫܘܬܦܠܗܘܢ ܓܘܗ ܥܣܪ̈ܝܐ ܡܢ ܝܠܘܦ̈ܐ ܕܐܟܕܝܡܝܘܬܐ، ܗܘ ܕܦܝܫܠܗ ܦܬܝܚܐ ܒܝܕ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ.
ܘܦܝܫ ܕܟܝܪܐ، ܕܐܟܕܝܡܝܘܬܐ ܕܐܘܪܢܝܢܐ، ܗܝ ܕܡܫܪܝܗܿ ܝܠܗ ܒܥܢܟܒܐ، ܡܩܪܒܐ ܕܘܪ̈ܬܐ ܕܡܠܦܢܘܬܐ ܕܪܘܫܡܐ، ܡܘܣܝܩܐ ܥܠ ܡܐܢ̈ܐ ܡܫܚܠܦ̈ܐ، ܐܡܢ̈ܐ ܕܡܩܪܒܬܐ ܘܩܠܐ، ܥܡ ܡܠܦܢܘܬܐ ܕܪܩܕܐ ܒܐܕܫ̈ܐ ܡܫܚܠܦ̈ܐ ܘܦܪܝܫܐܝܬ (ܒܠܝܗ) ܘܟܠܝܗܝ ܐܡܢ̈ܐ ܐ̄ܚܪ̈ܢܐ.
