ܬܦܩܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܚܡܫܒܫܒܐ 5 ܚܙܝܪܢ 2025، ܒܡܝܩܪܘܬܐ ܕܪܫ ܩܘܛܢܝܘܬܐ ܠܒܢܢܝܬܐ، (ܐܠܥܡܐܕ ܓ̰ܘܙܝܦܿ ܥܘܢ)، ܓܘ ܩܨܪܐ ܕܒܥܒܕܐ ܪܫܝܐ ܓܘ ܒܝܪܘܬ، ܡܢ ܡܫܕܪܘܬܐ ܡܕܢܚܝܬܐ ܫܘܬܦܠܗ ܓܘ ܚܘܕܪܐ ܟܡ ܛܟܣܐܠܗ ܐܣܝܪܘܬܐ ܣܘܪܝܝܬܐ ܒܦܘܪܣܐ ܕܝܘܒܝܠܐ ܕܗܒܢܝܐ ܠܫܬܐܣܬܗܿ.
ܘܚܒܫܠܗܿ ܡܫܕܪܘܬܐ ܗܝ ܕܝܗ̄ܘܬ ܒܪܫܢܘܬܐ ܕܪܫ ܐܣܝܪܘܬܐ ܣܘܪܝܝܬܐ ܓܘ ܠܒܢܢ،(ܚܒܝܒ ܐܦܪܝܡ)، ܦܪ̈ܨܘܦܐ ܘܡܡܬܠܢ̈ܐ ܡܢ ܫܘܬܐܣ̈ܐ ܡܫܝܚܝ̈ܐ ܡܢ ܣܘܪܝܐ ܘܥܝܪܩ، ܘܕܪܫܠܗܘܢ ܡܛܝܒ̈ܐ ܛܘܘܪ̈ܐ ܩܠܘܠ̈ܐ ܓܘ ܐܬܪ̈ܘܬܐ ܕܡܕܢܚܐ، ܘܫܘܪܪܠܗܘܢ ܥܠ ܐܢܢܩܝܘܬܐ ܕܚܝܠܢܬܐ ܕܛܘܝܒܐ ܡܫܝܚܝܐ ܘܢܛܪܬܐ ܕܣܓܝܐܘܬܐ ܓܘ ܦܢܝܬܐ.
ܘܫܘܪܪܠܗ ܡܝܩܪܘܬܐ ܕܪܫ ܩܘܛܢܝܘܬܐ(ܐܠܥܡܐܕ ܓ̰ܘܙܝܦܿ ܥܘܢ) ܒܡܬܚܐ ܕܬܦܩܬܐ ܥܠ (ܙܕܩܐ ܕܫܘܚܠܦܐ ܬ̄ܚܝܬ ܛܠܠܐ ܕܕܘܠܬܐ ܝܠܗ ܒܠܒܐ ܕܕܝܡܘܩܪܛܝܘܬܐ ܘܪܫܝܬܐ ܩܕܝܫܬܐ، ܐܠܐ ܫܘܚܠܦܐ ܠܐܝܠܗ ܩܒܝܠܐ ܓܘܗ)، ܘܫܘܪܪܠܗ ܐܠܝܨܘܬܗ ܒܚܡܝܬܐ ܕܐܕܫܢܝܘܬܐ ܘܚܝܠܢܬܐ ܕܡܪܕܘܬܐ ܘܚܝܬܐ ܡܫܘܬܦܬܐ ܓܘ ܠܒܢܢ ܘܦܢܝܬܐ.
ܘܡܢ ܓܢ̄ܒܗ، ܫܘܪܪܠܗ (ܐܘܓܼܢܐ) ܥܠ ܐܢܢܩܝܘܬܐ ܕܣܥܘܪܘܬܐ ܬܫܥܝܬܢܝܬܐ ܗܝ ܕܟܡ ܥܒܕܠܗܿ ܡܝܩܪܘܬܐ ܕܪܫ ܩܘܛܢܝܘܬܐ ܠܒܓܕܕ، ܘܡܘܥܒܪܗ ܥܠ ܣܒܪܗ ܕܗܘܐ ܣܥܘܪܘܬܐ ܐ̄ܚܪܝܬܐ ܕܡܝܢܬܐ ܠܐܪܒܝܠ، ܠܡܐ ܕܐܝܬܠܗܿ ܡܢ ܪܡܙܝܘܬܐ ܪܒܬܐ ܒܣܢܕܬܐ ܕܛܘܝܒܐ ܡܫܝܚܝܐ ܘܚܝܠܢܬܐ ܕܛܝܡ̈ܐ ܕܫܘܬܦܘܬܐ ܐܬܪܢܝܬܐ. ܘܐܦ ܗܕܟ ܡܘܥܒܪܗ ܥܠ ܐܝܩܪܗ ܠܡܐ ܕܚܒܫܠܗܿ ܬܦܩܬܐ ܐܚܪܝܬܐ ܠܡܝܩܪܘܬܗ ܒܛܘܒܬܢܘܬܗ ܕܦܛܪܝܪܟܐ ܟܪܕܝܢܠܐ ܡܪܝ (ܠܘܝܣ ܪܘܦܐܝܠ ܣܐܟܘ) ܡܢ ܐܓܪ̈ܬܐ ܡܣܝܡܢ̈ܐ ܘܣܒܪܐ، ܝܗ̄ܒܐ ܚܝܠܐ ܠܫܘܦܐ ܪܫܝܐ ܠܬܫܡܫܬܐ ܕܨܒܘ̈ܬܐ ܕܣܓܝܐܘܬܐ ܘܚܝܬܐ ܡܫܘܬܦܬܐ ܓܘ ܡܕܢܚܐ.
ܘܦܝܫ ܕܟܝܪܐ، ܕܣܥܘܪܘܬܐ ܕ(ܐܘܓܼܢܐ) ܠܒܝܪܘܬ ܟܐܬܝܐ ܒܡܫܘܬܦܬܗ ܓܘ ܙܘܝܚ̈ܐ ܐܢܝ ܡܛܟܣܐܠܗܘܢ ܐܣܝܪܘܬܐ ܣܘܪܝܝܬܐ ܒܦܘܪܣܐ ܕܥܒܪܬܐ ܕܚܡܫܝܢ ܫܢ̈ܐ ܥܠ ܫܘܬܐܣܗܿ.
