ܐܡܝܢܝܐܗ̄ܘܐ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܫܒܬܐ 15 ܐܕܪ 2025، ܒܟܪܘܟܝܗ ܓܘ ܡܕܝܢ̄ܬܐ ܕܫܝܟܓܼܘ ܒܐܘܚܕܢܐ ܕܐܝܠܝܢܘܝ ܐܡܪܝܟܝܐ، ܘܬܦܩܠܗ ܒܩܢܛܪܘܢ ܟܠܕܝܐ ܓܘ ܡܕܝܢ̄ܬܐ، ܘܝܗ̄ܘܐ ܒܣܩܒܠܬܗ ܡܕܒܪܢܐ ܕܩܢܛܪܘܢ (ܕܝܦܕ ܣܒܐ) ܘܗܕܡ̈ܐ ܕܓܘܫܡܐ ܡܕܒܪܢܝܐ.
ܘܦܝܫܠܗ ܡܛܝܒܐ ܓܘ ܬܦܩܬܐ ܟܗܢܐ ܕܥܕܬܐ ܕܡܪܝܡ ܒܬܘܠܬܐ ܟܠܕܝܬܐ ܓܘ ܫܝܟܓܼܘ ܐܒܐ ( ܡܝܠܐܢ ܨܒܐܚ) ، ܠܣܘܘܕܐ ܥܠ ܩܐܡ ܡܪܕܘܬܢܝܐ ܕܥܡܢ ܒܐܬܪܐ، ܘܐܢܢܩܝܘܬܐ ܕܢܛܪܬܐ ܕܡܪܕܘܬܐ ܘܠܫܢܐ ܕܥܡܢ ܘܛܘܪܢܬܝܗܝ ܒܐܬܪܐ ܘܓܠܘܬܐ، ܘܫܘܪܪܠܗ (ܐܘܓܼܢܐ) ܒܡܬܚܐ ܕܬܦܩܬܐ، ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ ܕܝܠܢܝ̈ܐ ܒܒܢܝ̈ ܥܡܢ ܒܐܬܪܐ ܘܓܠܘܬܐ.
ܘܟܐܬܝܐ ܣܥܘܪܘܬܐ ܕ(ܐܘܓܼܢܐ) ܡܢ ܟܪܘܟܝܐ ܓܘ ܐܘܚܕܢ̈ܐ ܡܚܝܕ̈ܐ ܐܡܪ̈ܝܟܝܐ، ܗܝ ܕܚܒܫܠܗܿ ܫܘܬܦܬܗ ܒܠܘܡܕܐ ܕRootsTech 2025 ܒܐܘܚܕܢܐ ܕܝܘܬܐ، ܟܕ ܫܘܬܦܠܗ ܓܘ ܥܒܘܕܘ̈ܬܗ ܐܝܟ ܐܪܚܐ ܕܐܝܩܪܐ. ܘܡܘܩܪܒܠܗ ܐܡܘܪܘܬܐ ܐܢܢܩܝܬܐ ܓܘ ܒܝܬ ܨܘܒܐ ܕܗܐܪܦܪܕ ܥܠ ܢܛܪܬܐ ܕܝܪܬܘܬܐ ܡܪܕܘܬܢܝܬܐ ܕܥܡܢ ܘܚܝܠܢܬܗ ܒܥܝܪܩ ܕܪܝܐ.
