ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܬܠܬܒܫܒܐ 12 ܐܒ 2025، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܐܘܡܢܬܐ (ܓ̰ܘܠܝ ܝܘܣܦ)، ܐܬܝܢܬܐ ܡܢ ܐܘܚܕܢ̈ܐ ܡܚܝܕ̈ܐ ܐܡܪ̈ܝܟܝܐ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܣܘܘܕܐ ܚܕܪ ܩܐܡ ܡܪܕܘܬܢܝܐ ܘܐܡܢܝܐ ܕܥܡܢ ܘܐܢܢܩܝܘܬܐ ܕܓܪܐ ܕܐܘܡܢܐ ܒܫܢܝܬܐ ܕܐܓܪܬܐ ܕܥܡܗ ܘܡܥܒܪܢܘܬܐ ܥܠ ܩܛܪ̈ܗ ܘܗܢܝܢ̈ܗ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ، ܐܢܝ ܕܐܝܬܠܗܘܢ ܐܣܘܪܐ ܒܨܒܘܬܐ ܕܥܡܢ ܒܐܬܪܐ ܘܓܠܘܬܐ، ܠܬܫܡܫܬܐ ܘܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ.
ܘܒܚܘܬܡܐ ܕܬܦܩܬܐ، ܡܘܩܪܒܠܗ (ܐܘܓܼܢܐ) ܠܐܘܡܢܬܐ (ܓ̰ܘܠܝ ܝܘܣܦ) ܢܘܣܟܐ ܡܢ ܡܢܝܢܐ (51) ܡܢ ܡܓܼܠܬܐ ܕ(ܒܢܐܦܠ) ܗܝ ܕܢܦܩܐ ܐܩܡܐܝܬ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ.