ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܝܘܡܐ ܕܬܠܬܒܫܒܐ 17 ܐܝܠܘܠ 2024، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܐܟܕܝܡܝܐ ܒܒܝܬ ܕܪܫܐ ܕܐܠܝܢܘܝ ܕܬܟܢܘܠܘܓ̰ܝܐ ܒܐܘܚܕܢ̈ܐ ܡܚܝܕ̈ܐ ܐܡܪ̈ܝܟܝܐ، ܡܠܦܢܐ ܕܟܬܘܪ (ܣܪܓܘܢ ܗܣܘ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܟܫܝܪ̈ܘܬܐ ܘܥܒܼܘܿܕܘ̈ܬܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ، ܘܦܪܝܫܐܝܬ ܒܬܪ ܢܨܝܚܘܬܐ ܕܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ، ܗܘ ܟܡ ܛܟܣܐܠܗ ܡܕܒܪܢܘܬܐ ܘܩܢܛܪܘܢ ܕܝܘܢܢ ܗܘܙܝܐ ܕܒܘܨܝ̈ܐ ܘܕܪ̈ܫܝܬܐ ܕܥܬܝܕܝ̈ܐ، ܠܡܬܚܐ ܡܢ 5 – 8 ܐܝܠܘܠ، ܒܐܪܒܝܠ ܐܪܫܟܝܬܐ ܕܩܠܝܡܐ ܕܟܘܪܕܣܬܢ.
ܘܡܫܘܬܦ ܗ̄ܘܐܠܗ (ܣܪܓܘܿܢ ܗܣܘܿ)، ܒܦܘܠܚܢ̈ܐ ܕܣܝܡܦܘܙܝܘܡ ܒܕܪܫܬܐ ܡܘܩܪܒܬܐ ܒܠܫܢܐ ܐܢܓܠܝܙܝܐ.
ܘܒܚܘܬܡܐ ܕܬܦܩܬܐ، ܡܘܩܪܒܠܗ (ܐܘܓܼܢܐ) ܠܐܪܚܐ ܣܥܘܪܐ ܚܕ ܢܘܣܟܐ ܡܢ ܡܢܝܢܐ (51) ܡܢ ܡܓܼܠܬܐ ܕ(ܒܢܐܦܠ) ܗܝ ܕܢܦܩܐ ܐܩܡܐܝܬ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܕܥܝܪܩ.
