ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܚܡܫܒܫܒܐ 9 ܟܢܘܢ ܬܪܝܢܐ 2025، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ ، ܐܡܢܐ (ܛܠܐܠ ܓܪܝܫ)، ܐܬܝܢܐ ܡܢ ܡܕܝܢ̄ܬܐ ܕܬܘܪܢܬܘ ܟܢܕܝܬܐ، ܠܫܘܬܦܬܐ ܒܥܕܥܐܕܐ ܕܥܢܟܒܐ ܟܪܝܣܡܣ ܒܕܘܪܬܗ ܪܒܝܥܝܬܐ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܩܐܡ ܡܪܕܘܬܢܝܐ ܘܐܡܢܝܐ ܕܥܡܢ ܘܐܢܢܩܝܘܬܐ ܕܓܪܐ ܕܐܡܢܐ ܒܫܢܝܬܐ ܕܐܓܪܬܐ ܕܥܡܗ ܘܡܥܒܪܢܘܬܐ ܥܠ ܩܛܪ̈ܗ ܘܗܢܝܢ̈ܗ، ܘܫܘܪܪܠܗ ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐ ܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ ܕܐܝܬܠܗܘܢ ܐܣܘܪܐ ܒܨܒܘܬܐ ܕܥܡܢ ܒܐܬܪܐ ܘܓܠܘܬܐ، ܠܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ.
ܘܩܘܠܣܠܗ (ܐܘܓܼܢܐ) ܒܚܘܬܡܐ ܕܬܦܩܬܐ ܥܠ ܐܡܢܐ (ܛܠܐܠ ܓܪܝܫ) ܠܫܘܬܦܬܗ ܒܙܘܝܚ̈ܐ ܕܒܢܝ̈ ܥܡܢ ܒܐܬܪܐ ܒܦܘܪܣܐ ܕܥܐܕ̈ܐ ܕܡܘܠܕܐ ܘܪܫܐ ܕܫܢ̄ܬܐ ܚܕܬܐ ܘܦܪܝܫܐܝܬ ܒܬܪ ܫܘܬܦܬܗ ܒܥܕܥܐܕܐ ܕܥܢܟܒܐ ܟܪܝܣܡܣ ܒܕܘܪܬܗ ܪܒܝܥܝܬܐ، ܘܛܘܝܡܢܗ ܒܝܬ ܥܕܢܐ ܓܪܗ ܒܫܢܝܬܐ ܕܐܓܪܬܐ ܕܥܡܗ ܒܐܘܪܚܐ ܕܐܡܢܗ ܘܙܡܪ̈ܝܬܗ.