ܣܘܩܒܠܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܣܘܩܒܠܗ ܡܦܩܢܐ ܣܘܪܝܝܐ “ܘܝܣܐܡ ܢܘܚ”، ܒܨܦܪܐ ܕܚܕܒܫܒܐ 3 ܟܢܘܢ ܩܕܡܝܐ 2023، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ.
ܘܦܝܫܠܗ ܡܛܝܒܐ ܒܬܦܩܬܐ ܪܫܐ ܕ ( ܥܕܥܐܕܐ ܕܒܐܡܐ ܣܘܪܝܝܐ ܩܕܡܝܐ) ܡܒܚܢܢܐ ܒܐܡܝܐ ܘܡܬܢܝܢܐ (ܨܒܐܚ ܗܘܪܡܙ ܐܠܫܐܢܝ). ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܛܘܝܒ̈ܐ ܕܦܝܫܠܗܘܢ ܥܒܝܕܐ ܠܡܫܘܬܦܬܐ ܓܘ ܥܕܥܐܕܐ ܗܘ ܒܕ ܦܝܫ ܥܒܝܕܐ ܒܡܨܥܐ ܕܝܪܚܐ ܩܐܡܝܐ ، ܘܐܦ ܗܕܟ ܚܒܫܠܗܿ ܬܦܩܬܐ ܡܢ ܚܕ ܓܢ̄ܒܐ ܐ̄ܚܪܢܐ ܣܘܘܕܐ ܚܕܪ ܩܐܡ ܡܪܕܘܬܢܝܐ ܣܘܪܝܝܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ ܘܥܣܩܘ̈ܬܐ ܘܣܩܘܒܠܝܘ̈ܬܐ ܕܟܠܝ ܕܪܩܘܒܠܗ ܘܫܒܝܠ̈ܐ ܕܡܛܘܪܢܬܗ.
ܘܫܘܪܪܠܗ “ܐܘܓܼܢܐ” ܥܠ ܐܢܢܩܝܘܬܐ ܕܐܡܢܐ ܒܫܢܝܬܐ ܕܐܓܪܬܐ ܐ̄ܢܫܝܬܐ ܘܩܛܪ̈ܐ ܘܣܘܟܝ̈ܐ ܕܥܡܡ̈ܐ، ܘܡܘܥܒܪܗ ܒܝܬ ܥܕܢܐ ܥܠ ܛܘܝܒܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܠܥܘܕܪܢܐ ܥܡ ܫܘܬܐܣ݁̈ܐ ܡܪ̈ܕܘܬܢܝܐ ܘܐܡܢܝ̈ܐ ܡܪܐ ܕܐܣܘܪܐ.
