ܩܪܐܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܝܘܡ ܬܠܬܒܫܒܐ 11 ܚܙܝܪܢ 2024، ܠܡܦܪܝܢܘܬܐ ܕܛܝܡ̈ܐ ܕܚܕܬܘܬܐ ܘܚܘܕܬܐ ܓܘ ܡܪܕܘܬܢ، ܘܬܢܝܬܐ ܕܚܝܪܬܐ ܓܘ ܨܒܘܬܝ̈ܢ ܬܫܥܝܬܢܝ̈ܐ ܘܣܦܪ̈ܝܐ ܘܪܚܩܬܐ ܡܢ ܬܚܡܠܝ̈ܬܐ ܡܚܝ̈ܠܐ.
ܘܐ̄ܬܝܠܗ ܐܗܐ ܒܚܕܐ ܐܡܘܪܘܬܐ ܚܕܪ ܩܐܡ ܡܪܕܘܬܢܝܐ ܘܐܡܢܝܐ ܕܥܡܢ ܓܘ ܐܬܪܐ، ܦܝܫܠܗܿ ܩܛܝܪܬܐ ܓܘ ܐܘܢܐ ܕ(ܠܐܒܝܠܐ ܦܝܢܘܣ) ܒܡܕܝܢ̄ܬܐ ܕܡܠܒܘܪܢ ܓܘ ܐܘܣܬܪܠܝܐ، ܒܩܪܝܬܐ ܡܢ ܡܘܬܒܐ ܐܬܘܪܝܐ ܟܠܕܝܐ ܣܘܪܝܝܐ ܓܘ ܐܘܣܬܪܠܝܐ، ܘܩܢܛܪܘܢ ܕܝܘܢܢ ܗܘܙܝܐ ܕܒܘܨܝ̈ܐ ܘܕܪ̈ܫܝܬܐ ܕܥܬܝܕܝ̈ܐ ܒܥܘܕܪܢ ܥܡ ܒܝܬ ܘܥܕܐ ܕܣܘܪܝܐ ܡܪܕܘܬܢܝܐ، ܓܘ ܡܠܒܘܪܢ.
ܘܐ̄ܡܪܗ “ܐܘܓܼܢܐ” ܓܘ ܐܡܘܪܘܬܐ، (ܐܝܬ ܥܠܢ ܐܕܝܘܡ ܡܦܪܝܢܘܬܐ ܕܛܝܡ̈ܐ ܕܚܕܬܘܬܐ ܘܚܘܕܬܐ ܓܘ ܛܘܪܢܬܐ ܕܡܪܕܘܬܢ، ܘܬܢܝܬܐ ܕܚܝܪܬܐ ܓܘ ܨܒܘܬܝ̈ܢ ܬܫܥܝܬܢܝ̈ܐ ܘܣܦܪ̈ܝܐ ܘܪܚܩܬܐ ܡܢ ܬܚܡܠܝ̈ܬܐ ܡܚܝ̈ܠܐ) ܘܡܘܒܝܢܗ ܓܘ ܣܘܘܕܗ (ܫܒܝܠ̈ܐ ܚܫܝܚ̈ܐ ܒܡܦܪܝܢܘܬܐ ܕܥܠܡܐ ܪܩܡܝܐ ܘܝܘܕܥܐ ܟܢܘܫܝܝܐ ܘܫܩܠܬܐ ܕܝܘܬܪܢܐ ܡܢ ܐܝܬܘܬܐ ܕܫܛܚܐ ܪܒܐ ܒܗܢ ܓܝܓܼܠܐ ܒܡܦܩ̈ܬܐ ܒܫ ܒܨܘܪ̈ܐ ܘܛܘܪܢܬܝܗܝ).
ܘܬܢܐܠܗ “ܐܘܓܼܢܐ” ܓܘ ܣܘܘܕܗ ܚܕܪ ܙܘܥܐ ܕܬܘܪܓܡܐ ܘܐܢܢܩܝܘܬܐ ܕܡܪܘܚܬܐ ܕܗܢ ܓܝܓܼܠܐ ܘܡܨܝܢܘܬܐ ܕܫܬܐܣܬܐ ܕܒܝܬ ܐܪ̈ܟܐ ܐܠܟܬܪܘܢܝܐ، ܥܡ ܣܘܘܕܐ ܚܕܪ ܡܪܕܘܬܐ ܪܢܝܝܬܐ ܘܛܒܥܬܐ ܕܟܬܒ̈ܐ ܘܫܘܦ̈ܐ ܐܠܟܬܪ̈ܘܢܝܐ ܘܝܘܕܥܐ ܟܢܘܫܝܝܐ.
ܘܡܘܒܝܢܗ “ܐܘܓܼܢܐ” (ܫܒܘܩ ܡܢ ܐܝܬܘܬܐ ܕܥܒܘܕܘ̈ܬܐ ܘܟܫܝܪ̈ܘܬܐ ܡܪ̈ܕܘܬܢܝܐ ܘܐܡܢܝ̈ܐ ܕܥܡܢ ܓܘ ܐܬܪܐ، ܐܠܐ ܠܐܝܠܗܘܢ ܡܠܝܢ̈ܐ ܠܡܣܩܬܐ ܕܩܐܡ ܡܪܕܘܬܢܝܐ ܕܥܡܢ)، ܘܪܡܙܠܗ ܠܓܪܐ ܕܥܕܥܐܕ̈ܐ ܡܪ̈ܕܘܬܢܝܐ ܘܐܡܢܝ̈ܐ ܒܥܢܟܒܐ ܓܘ ܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ ܘܓܠܝܬܐ ܕܡܪܕܘܬܐ ܕܥܡܢ ܒܝܢ ܥܡܡ̈ܐ ܕܦܢܝܬܐ.
ܘܐ̄ܡܪܗ “ܐܘܓܼܢܐ” ܓܘ ܐܡܘܪܘܬܐ (ܡܪܕܘܬܐ ܕܥܡܢ ܘܠܐ ܕܗܘܝܐ ܚܒܘܫܬܐ ܘܠܣܛܪܝܬܐ ܕܙܝܕܐ ܡܢ ܐ̄ܣܝܪܘܬܢ ܘܚܝܠܢ ܘܫܪܪܐ ܥܠ ܒܝܬܝܘܬܐ ܡܕܝܢܝܬܐ ܕܗܢ ܥܡܐ)، ܘܚܬܡܠܗ ܣܘܘܕܗ ܒܓܠܝܬܐ ܕܒܥܝ̈ܬܐ ܒܫ ܐܢܢܩܝ̈ܐ ܐܢܝ ܕܡܬܒܝ ܩܐܡ ܡܪܕܘܬܢܝܐ ܕܥܡܢ ܒܡܫܡܥܬܐ ܒܫ ܥܒܘܕܬܐ ܠܗܢܝܢ̈ܐ ܕܗܢ ܥܡܐ ܓܘ ܚܙܝܬܐ ܕܫܒܝܠ̈ܐ ܕܣܢܕܬܐ، ܥܡ ܫܒܝܠ̈ܐ ܡܠܝܢ̈ܐ ܠܣܢܕܬܐ ܕܡܐܙܠܬܐ ܘܐܡܝܢܝܘܬܐ ܕܟܫܝܪ̈ܘܬܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܐܬܪܐ.
ܘܦܝܫܠܗܘܢ ܡܛܝܒܐ ܠܐܡܘܪܘܬܐ ܪܥܝܐ ܕܥܕܬܐ ܕܡܪܝ ܐܦܪܝܡ ܟܠܕܝܬܐ ܓܘ ܡܠܒܘܪܢ ܐܒܐ “ܣܐܢܕ ܒܐܣܝܠ” ܘܟܢܫܐ ܦܪܝܫܐ ܡܢ ܦܪ̈ܨܘܦܐ ܕܥܡܢ ܓܘ ܐܘܣܬܪܠܝܐ.
ܘܦܝܫ ܕܟܝܪܐ، ܕܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ”ܟܠܕܘ ܪܡܙܝ ܐܘܓܼܢܐ” ، ܩܝܡ ܒܣܥܘܪܘܬܐ ܠܡܕܝܢ̄ܬܐ ܕܡܠܒܘܪܢ ܐܘܣܬܪܠܝܬܐ ܒܩܪܝܬܐ ܪܘܫܡܝܬܐ ܡܢ ܩܢܛܪܘܢ ܕܝܘܢܢ ܗܘܙܝܐ ܕܒܘܨܝ̈ܐ ܘܕܪ̈ܫܝܬܐ ܕܥܬܝܕܝ̈ܐ ܘܒܝܬ ܘܥܕܐ ܕܣܘܪܝܐ ܡܪܕܘܬܢܝܐ، ܠܕܘܪܫܐ ܕܩܐܡ ܡܪܕܘܬܢܝܐ ܘܐܡܢܝܐ ܕܥܡܢ ܓܘ ܐܬܪܐ، ܓܘ ܡܢܝܢܐ ܡܢ ܥܒܘܕܘ̈ܬܐ ܘܬܦܩܝ̈ܬܐ ܕܟܦܫ ܒܒܢܝ̈ ܥܡܢ ܡܬܘܬܒ̈ܐ ܓܘ ܐܘܣܬܪܠܝܐ.
