ܒܕ ܡܫܘܬܦ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ “ܟܠܕܘ ܪܡܙܝ ܐܘܓܼܢܐ” ، ܒܚܘܬܡܐ ܕܝܪܚܐ ܕܟܢܘܢ ܬܪܝܢܐ ܩܐܡܝܐ ، ܓܘ ܥܒܘܕܘ̈ܬܐ ܕܠܘܡܕܐ ܕܚܐܪ̈ܘܬܐ ܬܘܕܝܬܢܝ̈ܐ ܬܒܠܝܐ IRFSummit2024 ܗܘ ܒܕ ܦܝܫ ܩܛܝܪܐ ܒܐܪܫܟܝܬܐ ܐܡܪܝܟܝܬܐ ܘܫܢܛܘܢ ܠܡܬܚܐ ܡܢ 30-31 ܟܢܘܢ ܬܪܝܢܐ 2024 .
ܘܒܕ ܡܩܪܒ ” ܐܘܓܼܢܐ”ܚܕܐ ܐܡܘܪܘܬܐ ܒܝܬܒܝ̈ܬܐ ܕܠܘܡܕܐ ܕܚܐܪ̈ܘܬܐ ܬܘܕܝܬܢܝ̈ܐ ܬܒܠܝܐ ܚܕܪ ܡܕܢܚܐ ܡܨܥܝܐ ܒܥܝܢ̈ܐ ܕܒܨܘܪ̈ܘܬܐ، ܥܡ ܬܢܝܬܐ ܕܫܒܝܠ̈ܐ ܕܣܢܕܬܐ ܟܢܘܫܝܝ̈ܐ ܘܡܩܘܝܢܘܬܐ ܠܢܛܪܬܐ ܕܐܕܫܘܬܐ ܓܘ ܡܕܢܚܐ.
ܘܐܦ ܗܕܟ ܩܘܒܠܠܗ “ܐܘܓܼܢܐ” ܚܕܐ ܩܪܝܬܐ ܠܡܫܘܬܦܬܐ ܒܝܘܡܐ ܐܬܪܢܝܐ ܐܡܪܝܟܝܐ ܕܥܪܝܬܐ (ܦܛܪܬܐ) ܘܨܠܘܬܐ The National Prayers Breakfast ، ܒܣܝܩܘܡ 1 ܡܢ ܝܪܚܐ ܕܫܒܛܐ ܐܬܝܢܐ، ܗܘ ܒܕ ܡܫܘܬܦ ܓܘܗ ܪܫܐ ܐܡܪܝܟܝܐ “ܓ̰ܘܿ ܒܐܝܕܢ ” ܘܗܕܡ̈ܐ ܕܟܘܢܓܪܣ ܘܦܩܘܕ̈ܐ ܘܡܛܦܣܢ̈ܐ ܡܢ (140) ܐܬܪ̈ܘܬܐ ܡܢ ܟܠ ܦܢܝ̈ܬܐ ܕܥܠܡܐ.
ܘܦܝܫ ܕܟܝܪܐ، ܕܝܘܡܐ ܐܬܪܢܝܐ ܕܥܪܝܬܐ ܘܨܠܘܬܐ ܦܝܫ ܡܚܘܫܒܢܐ ܚܕ ܓܕܫܐ ܫܢ̄ܬܢܝܐ ܦܝܫ ܡܛܝܒܐ ܐܠܗ ܪܫܐ ܕܐܘܚܕܢ̈ܐ ܡܚܝܕ̈ܐ ܥܡ ܦܩܘܕ̈ܐ ܕܐܬܪ̈ܘܬܐ ܕܬܒܝܠ ܓܘ ܘܫܢܛܘܢ ܠܬܢܝܬܐ ܚܕܪ ܗܝܡܢܘܬܐ، ܘܕܥܪܝ ܫܪ̈ܫܐ ܕܗܢ ܓܕܫܐ ܠܬܚܡܠܬܐ ܕܐܬܝܠܗ ܓܘܗܿ ܚܕ ܩܫܝܫܐ ܢܩܦ ܠܥܕܬܐ ܦܪܘܬܣܬܢܝܬܐ ܡܝܬܘܕܝܬܐ.