ܩܛܪܗܿ ܣܝܥܬܐ ܛܘܝܒܝܬܐ ܥܠܝܬܐ ܕܥܕܥܐܕܐ ܕܥܢܟܒܐ ܟܪܝܣܡܣ، ܒܪܡܫܐ ܕܚܕܒܫܒܐ 3 ܟܢܘܢ ܩܕܡܝܐ 2023 ܚܕܐ ܟܦܫܬܐ ܓܘ ܒܝܬ ܣܡܟܐ ܕܥܢܟܒܐ ܟܢܘܫܝܝܐ ܠܕܘܪܫܐ ܕܛܘܝܒ̈ܐ ܠܘܓ̰ܣܬܝ̈ܐ ܘܐܡܢܝ̈ܐ ܐ̄ܚܪ̈ܝܐ ܕܥܕܥܐܕܐ ܗܘ ܒܕ ܫܪܝ ܥܒܘܕܘ̈ܬܗ ܒܡܬܚܐ ܕܥܐܕ̈ܐ ܕܡܘܠܕܐ ܫܒܝܚܐ ܘܪܫܐ ܕܫܢ̄ܬܐ ܚܕܬܐ ܓܘ ܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ.
ܘܕܪܫܠܗܘܢ ܓܘ ܟܦܫܬܐ ܗܝ ܕܝܗܘܬ ܒܛܘܝܒܐ ܕܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ، ܘܪܫܐ ܕܩܢܛܪܘܢ ܐܟܕܝܡܝܐ ܟܢܘܫܝܝܐ “ܓ̰ܠܐܠ ܚܒܿܝܒܿ ܥܙܝܙ” ، ܘܪܫܐ ܕܒܝܬ ܣܡܟܐ ܕܥܠܝܡ̈ܐ ܕܥܢܟܒܐ ܟܢܘܫܝܝܐ “ܟܢܐܪ ܒܐܣܐ” ، ܕܪܫܠܗܘܢ ܛܘܝܒ̈ܐ ܠܘܓ̰ܣܬܝ̈ܐ ܘܐܡܢܝ̈ܐ ܘܫܒܝܠ̈ܐ ܕܣܓܼܠܢܬܐ ܓܘ ܥܕܥܐܕܐ ܗܘ ܒܕ ܦܝܫ ܥܒܝܕܐ ܒܪܥܝܘܬ ܩܝܡܩܡܘܬܐ ܕܪܘܣܬܩܐ ܕܥܢܟܒܐ ܘܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܡܫܘܬܦܬܐ ܕܡܢܝܢܐ ܡܢ ܡܛܟܣܝ̈ܬܐ ܕܟܢܘܫܝܐ ܡܕܝܢܝܐ ܥܠܝܡܝ̈ܐ ܘܟܢܘܫܝܝ̈ܐ ܥܠ ܓܢ̈ܐ ܕܩܢܛܪܘܢ ܐܟܕܝܡܝܐ ܟܢܘܫܝܝܐ ܓܘ ܥܢܟܒܐ.
