ܫܘܪܐܠܗ ܝܘܡܐ ܬܠܝܬܝܐ ܡܢ ܥܕܥܐܕܐ ܕܥܢܟܒܐ ܟܪܝܣܡܣ، ܬܪܝܢܒܫܒܐ 25 ܟܢܘܢ ܩܕܡܝܐ 2023، ܥܒܘܕܘ̈ܬܗ ܓܘ ܒܝܬ ܣܒܪܐ ܕܪ̈ܒܐ ܕܫܢ̈ܐ (ܣܒ̈ܐ) ܓܘ ܥܢܟܒܐ، ܒܚܕ ܙܘܝܚܐ ܫܘܬܦܠܗ ܓܘܗ ܥܡܘܪ̈ܐ ܓܘ ܒܝܬܐ ܦܨܚܘܬܝܗܝ ܒܦܘܪܣܐ ܕܥܐܕ̈ܐ ܕܡܘܠܕܐ ܡܫܘܒܚܐ ܘܪܫܐ ܕܫܢ̄ܬܐ ܚܕܬܐ.
ܘܫܘܬܦܠܗܘܢ ܓܘ ܙܘܝܚܐ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ ” ܟܠܕܘ ܪܡܙܝ ܐܘܓܼܢܐ” ، ܒܚܒܪܘܬܐ ܕܐܡܢܐ ܪܒܐ ” ܝܘܣܦ ܥܙܝܙ” ܗܘ ܕܡܘܩܪܒܠܗ ܡܢܝܢܐ ܡܢ ܙܡܝܪ̈ܬܐ ܘܡܩܛܥ̈ܐ ܡܘܣܝܩܝ̈ܐ، ܡܘܒܣܡܠܗܘܢ ܠܒܘ̈ܬܐ ܕܣܒ̈ܐ ܒܫܘܬܦܬܝܗܝ ܓܘ ܥܒܘܕܘ̈ܬܐ ܘܪ̈ܩܕܐ ܝܪ̈ܬܘܬܢܝܐ ܐܢܝ ܕܦܝܫܠܗܘܢ ܡܘܩܪܒܐ ܒܝܕ ܝܗܠܐ ܣܘܪܝܝܐ ܕܐܡܢ̈ܐ ܢܩܝܦܐ ܠܡܕܒܪܢܘܬܐ، ܕܡܘܥܒܪܗܘܢ ܐܢܝ ܥܒܘܕܘ̈ܬܐ ܦܨܚܘܬܐ ܘܪܘܙܐ ܒܠܒܘ̈ܬܐ ܕܥܡܘܪ̈ܐ ܓܘ ܟܢܘܫܝܐ ܕܝܠܢܝܐ ܕܪ̈ܒܐ ܕܫܢ̈ܐ ( ܣܒ̈ܐ) ܓܘ ܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ.
ܘܦܝܫ ܕܟܝܪܐ، ܕܥܕܥܐܕܐ ܕܥܢܟܒܐ ܟܪܝܣܡܣ ܒܕܘܪܬܗ ܬܠܝܬܝܬܐ، ܗܘ ܕܦܝܫ ܥܒܝܕܐ ܒܪܥܝܘܬ ܩܝܡܩܡܘܬܐ ܕܪܘܣܬܩܐ ܕܥܢܟܒܐ ܘܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ݁̈ܐ ܣܘܪ̈ܝܝܐ ܒܫܘܬܦܬܐ ܕܡܢܝܢܐ ܡܢ ܡܛܟܣܝ̈ܬܐ ܕܟܢܘܫܝܐ ܡܕܝܢܝܐ ܥܠܝܡܝ̈ܐ ܘܟܢܘܫܝܝ̈ܐ، ܒܕ ܡܓܪܫ (10) ܝܘܡ̈ܐ ܡܬܚܐ ܕܥܐܕ̈ܐ ܕܡܘܠܕܐ ܡܫܘܒܚܐ ܘܪܫܐ ܕܫܢ̄ܬܐ ܡܘܠܕܝܬܐ ܚܕܬܐ ܥܠ ܓܢܢ̈ܐ ܕܩܢܛܪܘܢ ܐܟܕܝܡܝܐ ܟܢܘܫܝܝܐ ܓܘ ܥܢܟܒܐ.
