ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܣܩܒܠ ܡܫܕܪܘܬܐܡܢ ܒܝܬ ܕܪܫܐ ܦܪܢܣܝܐ ܕܡܕܢܚܐ ܬܚܬܝܐ

ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ( ܒܪܢܐܪܕ ܝܘܣܦ)، ܒܒܢܝܢܐ ܕܒܝܬ ܥܬܝܩ̈ܬܐ ܒܪܘܣܬܩܐ ܕܥܢܟܒܐ، ܝܘܡ ܬܠܬܒܫܒܐ 21 ܟܢܘܢ ܬܪܝܢܐ 2025، ܡܫܕܪܘܬܐ ܡܢ ܒܝܬ ܕܪܫܐ ܦܪܢܣܝܐ ܕܡܕܢܚܐ ܬܚܬܝܐ ( IFPO ) ܒܪܫܢܘܬܐ ܕܕܟܬܘܪ ( ܣܝܡܘܢ ܒܪܝܠܘܕ).

ܘܟܪܟܠܗܿ ܡܫܕܪܘܬܐ ܒܡܢܘ̈ܬܐ ܕܒܝܬ ܥܬܝܩ̈ܬܐ ܘܚܙܐܠܗܿ ܩܢܝܢ̈ܗ ܘܡܘܠܟܢ̈ܗ ܝܪ̈ܬܘܬܢܝܐ، ܘܫܘܪܪܠܗ ܕܟܬܘܪ ( ܣܝܡܘܢ ܒܪܝܠܘܕ) ، ܥܠ ܐܢܢܩܝܘܬܐ ܕܥܘܕܪܢܐ ܥܡ ܒܝܬ ܕܪܫܐ ܦܪܢܣܝܐ ܕܡܕܢܚܐ ܬܚܬܝܐ (IFPO) ܘܫܒܝܠ̈ܐ ܕܥܒܕܬܐ ܕܬܪ̈ܡܝܬܐ ܕܥܬܝܕܝ̈ܐ ܒܝܢ ܬܪܘܝܗܝ ܓܢ̄ܒܢ̈ܐ، ܒܢܝܫܐ ܕܢܛܪܬܐ ܕܝܪܬܘܬܐ ܕܗܢ ܥܡܐ ܫܪܫܝܐ ܒܡܕܢܚܐ.

ܘܡܢ ܓܢ̄ܒܗ، ܓܠܚܠܗ (ܐܘܓܼܢܐ) ܒܣܘܘܕܗ ܟܫܝܪ̈ܘܬܐ ܘܥܒܘܕܘ̈ܬܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܦܢܝ̈ܬܐ ܡܫܚܠܦ̈ܐ ܕܥܡܢ، ܘܓܪܝܗܝ ܒܢܛܪܬܐ ܕܝܪܬܘܬܐ ܕܥܡܢ ܘܡܪܕܘܬܗ، ܘܫܘܪܪܠܗ ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܫܘܬܐܣ̈ܐ ܘܦܪ̈ܨܘܦܐ، ܠܬܫܡܫܬܐ ܕܝܪܬܘܬܢ ܘܡܪܕܘܬܢ.

ܘܦܝܫ ܕܟܝܪܐ، ܕܒܝܬ ܕܪܫܐ ܦܪܢܣܝܐ ܕܡܕܢܚܐ ܬܚܬܝܐ ( IFPO ) ܦܝܫ ܡܚܘܫܒܢܐ ܡܛܟܣܬܐ ܕܒܘܨܝ̈ܐ ܦܪ̈ܢܣܝܐ ܐܝܬܠܗܿ ܦܪ̈ܥܐ ܒܡܢܝܢܐ ܡܢ ܐܬܪ̈ܘܬܐ ܕܡܕܢܚܐ ܡܨܥܝܐ.