ܩܒܠܗ ܒܐܪܚܘܬܐ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܢܩܝܦܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܒܪܡܫܐ ܕܚܡܫܒܫܒܐ 8 ܐܝܪ 2025ܝ ܝܬܒܬܐ ܕܘܪܫܝܬܐ ܥܠ ܕܝܪܘܬܐ ܓܘ ܥܝܪܩ ܘܟܘܪܕܣܬܢ، ܠܟܬܘܒܐ ܘܣܦܪܐ (ܣܥܝܕ ܫܐܡܝܐ).
ܘܝܨܦܠܗ ܟܬܘܒܐ ܘܣܦܪܐ (ܣܥܝܕ ܫܐܡܝܐ) ܓܘ ܝܬܒܬܐ ܕܘܪܫܝܬܐ، ܥܠ ܐܢܢܩܝܘܬܐ ܕܡܦܪܝܢܘܬܐ ܓܘ ܕܝܪܘܬܐ ܓܘ ܦܢܝ̈ܬܐ ܕܝܪ̈ܘܬܢܝܐ ܢܩܝܦ̈ܐ ܠܩܘܪ̈ܝܐ ܕܥܡܢ ܓܘ ܕܫܬܐ ܕܢܝܢܘܐ ܘܩܠܝܡܐ ܕܟܘܪܕܣܬܢ، ܘܪܡܙܠܗ ܥܠ ܐܢܢܩܝܘܬܐ ܕܓܪܫܬܐ ܕܡܦܐܪ̈ܢܐ ܡܢ ܒܢܝ̈ ܥܡܢ ܓܘ ܐܡܪܝܟܐ ܘܐܬܪ̈ܘܬܐ ܕܓܠܘܬܐ ܠܡܦܪܝܢܘܬܐ ܛܘܦܣܢܝܬܐ ܓܘ ܦܢܝ̈ܬܐ ܕܝܪ̈ܘܬܢܝܐ ܢܦܝܠ̈ܐ ܓܘ ܩܘܪ̈ܝܐ ܘܦܢܝ̈ܬܐ ܕܥܡܢ، ܘܫܘܪܪܠܗ ܕܓܪܫܬܐ ܕܡܦܪܝܢܘܬܐ ܕܝܪܘܬܢܝܬܐ ܒܕ ܡܒܪܐ ܦܘܪ̈ܣܐ ܕܦܘܠܚܢܐ ܠܦܠܚ̈ܐ ܘܥܠܝܡ̈ܐ ܓܘ ܐܢܝ ܦܢܝ̈ܬܐ ܗܘ ܡܢܕܝ ܕܫܒܩܠܗܘܢ ܕܐܣܪܝ ܒܐܪܥܐ ܘܠܐ ܬܚܡܠܝ ܒܓܠܘܬܐ.
ܘܫܘܬܦܠܗܘܢ ܡܛܝܒ̈ܐ ܒܝܬܒܬܐ، ܒܡܢܝܢܐ ܡܢ ܫܘܐܠ̈ܐ ܘܕܘܪ̈ܫܐ ܐܢܝ ܕܡܘܙܝܕܠܗܘܢ ܠܡܠܘܐܐ ܒܐܣܟܝܡܐ ܡܣܝܡܢܐ، ܘܫܘܪܪܠܗܘܢ ܥܠ ܐܢܢܩܝܘܬܐ ܕܡܦܪܝܢܘܬܐ ܠܦܝܫܬܐ ܕܥܡܢ ܥܠ ܐܪܥܗ ܬܫܥܝܬܢܝܬܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ.
