ܩܒܠܗܿ ܒܐܪܚܘܬܐ ܡܢܬܐ ܕܬܫܥܝܬܐ ܓܘ ܒܝܬ ܨܘܒܐ ܕܕܝܬܘܢ ܒܐܘܚܕܢܐ ܕܐܘܗܘܝܘ ܐܡܪܝܟܝܐ، ܝܘܡ ܐܪܒܥܒܫܒܐ 22 ܟܢܘܢ ܬܪܝܢܐ 2025، ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܒܐܩܡܐ ܕܪܫܝܐ ܒܝܢܬ ܝܠܘܦ̈ܐ، ܓܘ ܣܘܘܕܐ ܬܠܦܙܝܘܢܝܐ (ܐܘܢܠܝܢ)، ܠܣܘܘܕܐ ܥܠ ܪܩܡܢܬܐ ܕܝܪܬܘܬܐ ܕܥܡܢ ܘܐܢܢܩܝܘܬܐ ܕܢܛܪܬܐ ܕܝܪܬܘܬܐ ܡܪܕܘܬܢܝܬܐ ܓܘ ܡܕܢܚܐ.
ܘܐܬܝܠܗܿ ܐܪܚܘܬܐ ܕ(ܐܘܓܼܢܐ) ܒܐܩܡܐ ܕܪܫܝܐ ܒܝܢܬ ܝܠܘܦ̈ܐ ܕܡܢܬܐ ܕܬܫܥܝܬܐ ܓܘ ܒܝܬ ܨܘܒܐ، ܠܣܘܘܕܐ ܥܠ ܕܪܝܘܬܐ ܘܐܢܢܩܘܬܐ ܕܫܛܪܬܐ ܕܝܪܬܘܬܐ ܡܪܕܘܬܢܝܬܐ ܕܡܟܝܢ̈ܬܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ ܒܐܘܪܚܐ ܕܪܩܡܢܬܐ، ܘܪܡܙܠܗ (ܐܘܓܼܢܐ) ܓܘ ܣܘܘܕܗ (ܐܘܢܠܝܢ) ܠܬܪ̈ܡܝܬܐ ܐܢܝ ܕܥܒܕܠܗܘܢ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܢܝܫܐ ܕܐܪܫܦܬܐ ܕܝܪܬܘܬܐ ܕܥܡܢ ܕܦܝܫ ܒܐܝܕܐ ܕܒܨܘܝ̈ܐ.
ܘܦܝܫ ܕܟܝܪܐ، ܕܒܝܬ ܨܘܒܐ ܕܕܝܬܘܢ ܝܠܗ ܒܝܬ ܨܘܒܐ ܐܡܪܝܟܝܐ، ܕܝܠܢܝܐ، ܩܬܘܠܝܩܝܐ، ܘܩܢܛܪܘܢ ܕܒܘܨܝ̈ܐ ܐܬܪܢܝܐ، ܦܝܫܠܗ ܡܫܘܬܐܣܐ ܫܢ̄ܬܐ ܕ 1850 ܒܡܕܝܢ̄ܬܐ ܕܕܝܬܘܢ، ܘܡܕܝܢ̄ܬܐ ܫܬܝܬܝܬܐ ܒܘܫ ܪܒܬܐ ܒܐܘܚܕܢܐ ܕܐܘܗܝܘ، ܘܝܠܗ ܒܝܬ ܨܘܒܐ ܒܘܫ ܪܒܐ ܦܪܝܫܐܝܬ ܓܘ ܐܘܚܕܢܐ، ܘܟܡܩܪܒ ܒܝܬ ܨܘܒܐ ܙܘܕܐ ܡܢ (70) ܕܝܠܝ̈ܘܬܐ ܓܘ ܐܡܢܐ ܘܝܘܠܦܢ̈ܐ ܘܐܝܩܘܢܘܡܝܐ ܘܡܠܦܢܘܬܐ ܘܡܚܪܘܬܐ ܘܙܕܩ̈ܐ.