ܡܘܩܝܡܠܗ ܐܣܘܪܐ ܣܘܪܝܝܐ ܓܘ ܠܒܢܢ، ܝܘܡ ܚܡܫܒܫܒܐ 25 ܢܝܣܢ 2024، ܘܓܘ ܐܘܢܐ ܕܡܝܛܪܦܘܠܝܛܘܬܐ ܕܡܪܝ ܝܥܩܘܒܼ ܕܣܪܘܓܼ ܕܣܘܪ̈ܝܝܐ ܐܪ̈ܬܕܘܟܣܝܐ ܓܘ ܣܒܬܝܼܐ، ܥܕܥܐܕܐ ܒܫܡܐ ܕ (ܥܡܐ ܕܠܐ ܥܘܗܕܢܐ ܒܕ ܡܝܬ)، ܒܦܘܪܣܐ ܕܕܟܪܐ ܬܫܝܥܝܐ ܒܬܪ ܡܐܐ ܥܠ ܕܘܡܕܡ̈ܐ ܕܣܝܦܘ ܗܘ ܕܦܝܫܠܗ ܥܒܝܕܐ ܒܙܕܩܐ ܕܥܡܢ ܒܐ̄ܚܪ̈ܝܬܐ ܕܝܘܡ̈ܐ ܕܕܘܠܬܐ ܥܘܬܡܢܝܬܐ.
ܘܦܝܫܠܗܘܢ ܡܘܩܪܒܐ ܡܡܠ̈ܐ ܒܥܕܥܐܕܐ، ܘܡܡܠܐ ܩܕܡܝܐ ܝܗ̄ܘܐ ܠܩܝܘܡܐ ܡܢ ܓܒܐ ܕܬܓܼܡ̈ܐ “ܢܕܝܡ ܒܫܝܪ ܐܠܓ̰ܡܝܠ”، ܒܬܪ ܗܕܟ ܡܡܠܐ ܕܩܝܘܡܐ ܕܪܫ ܓܒܐ ܐܬܪܢܝܐ ܚܐܪܐ ܕ.” ܢܐܓ̰ܝ ܐܠܚܝܟ”، ܘܢܛܪܐ ܓܘܢܝܐ ܕܓܒܐ ܕܛܫܢܐܩ ܐܪܡܢܝܐ ܩܝܘܡܐ ” ܗܐܟܘܒ ܒܩܪܐܕܘܢܝܐܢ”، ܘܙܝܪ ܕܝܘܕܥܐ ܠܒܢܢܐ “ܙܝܐܕ ܡܟܐܪܝ”، ܘܚܘܬܡܐ ܕܡܡܠ̈ܐ ܝܗ̄ܘܐ ܥܡ ܪܫܐ ܕܐܣܘܪܐ ܣܘܪܝܝܐ ܡܛܟܣܢܐ ܕܥܕܥܐܕܐ ܡܠܦܢܐ ” ܚܒܝܒ ܐܦܪܝܡ”، ܗܘ ܕܪܡܙܠܗ ܒܡܡܠܐ ( ܣܝܦܘ ܨܒܘܬܢ ܝܠܗܿ ܒܥܠܬܐ ܕܐܚܢܝ ܕܪܩܘܒܠ ܩܛܠܐ ܟܠܢܐܝܬ، ܕܪܩܘܒܠ ܪܗܝܒܘܬܐ، ܕܪܩܘܒܠ ܩܫܝܘܬܐ، ܕܪܩܘܒܠ ܣܢܝܘܬܐ، ܘܡܐ ܕܠܐ ܩܒܠܘܚܠܗ ܠܐ̄ܢܫܝ̈ܢ ܠܐ ܩܒܠܘܚܠܗ ܠܐܝܡܐ ܥܡܐ ܘܕܝܢܘܚܠܗ ܒܐܝܡܐ ܫܘܦܐ ܡܢ ܬܒܝܠ).
ܘܦܝܫܠܗܘܢ ܡܛܝܒܐ ܠܥܕܥܐܕܐ ܡܠܘܟܼܐ ܕܟܢܘܫܝܐ ܩܕܝܫܐ ܕܥܕܬܐ ܣܘܪܝܝܬܐ ܐܪܬܕܘܟܣܝܬܐ ܡܪܝ ” ܬܐܦܝܠܘܣ ܓ̰ܘܪܓ̰ ܨܠܝܒܐ”، ܪܥܝܐ ܕܡܪܥܝܬܐ ܕܛܘܪܐ ܕܠܒܢܢ ܘܛܪܐܒܠܣ ܕܣܘܪ̈ܝܝܐ ܐܪ̈ܬܕܘܟܣܝܐ ܡܪܝ “ܟܪܝܣܘܣܬܘܡܘܣ ܡܝܟܐܝܠ ܫܡܥܘܢ”، ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܕܥܝܪܩ ܡܝܩܪܐ”ܟܠܕܘ ܪܡܙܝ ܐܘܓܼܢܐ”،ܥܡ ܟܢܫܐ ܡܢ ܒܢܝ̈ ܥܡܢ ܓܘ ܠܒܢܢ.
ܘܦܝܫ ܕܟܝܪܐ، ܕܝܘܡܐ ܕ 24 ܢܝܣܢ ܡܢ ܟܠ ܫܢ̄ܬܐ ܦܝܫ ܡܚܘܫܒܢܐ ܕܟܪܐ ܕܕܘܡܕܡ̈ܐ ܕܣܝܦܘ، ܘܝܠܗ ܝܬ ܝܘܡܐ ܕܦܝܫ ܕܟܝܪܐ ܓܘܗ ܕܘܡܕܡ̈ܐ ܕܐܪ̈ܡܢܝܐ، ܟܕ ܦܝܫܠܗܘܢ ܕܒܝܩܐ ܓܘܗ ܙܘܕܐ ܡܢ 250 ܡܢ ܚܘܪ̈ܕܩܢܐ ܐܪ̈ܡܢܝܐ ܓܘ ܐܣܛܢܒܘܠ ܒܡܬܚܐ ܕܩܪܒܐ ܬܒܠܝܐ ܩܕܡܝܐ ܒܝܘܡ̈ܬܐ ܕܕܘܠܬܐ ܥܘܬܡܢܝܬܐ ܒܗܘ ܙܒܢܐ.
