ܦܝܫܠܗܿ ܐܡܝܢܝܬܐ ܡܫܕܪܘܬܐ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܒܪܫܢܘܬܐ ܕܡܕܒܪܢܐ ܓܘܢܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܐܪܒܥܒܫܒܐ 2 ܬܡܘܙ 2025، ܒܟܪܘܟܝܗܿ ܒܡܕܝܢ̄ܬܐ ܕܕܗܘܟ ܒܩܠܝܡܐ ܕܟܘܪܕܣܬܢ، ܒܬܪ ܟܪܘܟܝܐ ܕܟܡ ܥܒܕܐܠܗܿ ܓܘ ܡܕܝܢ̄ܬܐ ܕܙܟܘ ܒܝܬ ܗܘܦܪܟܝܐ.
ܘܬܦܩܠܗܿ ܡܫܕܪܘܬܐ ܒܫܘܪܝܐ ܕܣܥܘܪܘܬܗܿ ܪܥܝܐ ܕܡܪܥܝܬܐ ܕܕܗܘܟ ܕܟܠܕܝ̈ܐ، ܡܪܘܬܗ ܕܡܝܛܪܦܘܠܝܛܐ ܡܪܝ (ܐܙܐܕ ܫܐܒܐ)، ܘܒܪܐܠܗ ܣܘܘܕܐ ܒܝܢ ܬܪܘܝܗܝ ܓܢ̄ܒܢ̈ܐ ܥܠ ܐܢܢܩܝܘܬܐ ܕܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ ܓܘ ܗܘܦܪܟܝܐ ܕܕܗܘܟ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܫܘܬܐܣ̈ܐ ܕܥܡܢ ܠܬܫܡܫܬܐ ܕܝܪܬܘܬܢ ܘܡܕܪܘܬܢ.
ܒܬܪ ܗܕܟ ܩܝܡܠܗܿ ܡܫܕܪܘܬܐ ܒܣܥܘܪܘܬܐ، ܠܡܫܪܝܐ ܓܘܢܝܐ ܕܓܒܐ ܕܚܘܝܕܐ ܕܝܡܘܩܪܛܝܐ ܟܠܕܝܐ، ܘܡܫܪܝܐ ܕܦܪܥܐ ܕܕܗܘܟ ܕܙܘܥܐ ܕܝܡܘܩܪܛܝܐ ܐܬܘܪܝܐ، ܟܕ ܬܢܐܠܗܿ ܡܫܕܘܪܬܐ ܕܡܕܒܪܢܘܬܐ ܒܡܬܚܐ ܕܬܦܩܝ̈ܬܗܿ ܒܥܒܘܕܘ̈ܬܐ ܣܝܣܝ̈ܐ ܕܥܡܢ، ܠܒܨܝܬܐ ܕܫܒܝܠ̈ܐ ܕܚܝܠܢܬܐ ܕܥܘܕܪܢܐ ܡܫܘܬܦܐ ܒܝܢ ܡܕܒܪܢܘܬܐ ܓܘܢܝܬܐ ܘܫܘܬܐܣ̈ܐ ܕܥܡܢ ܦܠܚ̈ܐ ܓܘ ܦܢܝܬܐ.
ܘܚܬܡܠܗܿ ܡܫܕܪܘܬܐ ܟܪܘܟܝܗܿ ܓܘ ܡܕܝܢ̄ܬܐ ܕܕܗܘܟ، ܒܬܦܩܬܐ ܒܐܦܣܩܘܦܐ ܕܕܗܘܟ ܘܢܝܢܘܐ ܕܥܕܬܐ ܕܡܕܢܚܐ ܐܬܘܪܝܬܐ ܡܪܝ (ܐܒܪܣ ܝܘܚܢܢ)، ܟܕ ܕܪܫܠܗܘܢ ܒܬܦܩܬܐ ܣܘܘܕܐ ܥܠ ܐܢܢܩܝܘܬܐ ܕܚܝܠܢܬܐ ܕܩܐܡ ܡܪܕܘܬܢܝܐ ܕܥܡܢ ܘܛܘܪܢܬܗ ܒܦܢܝ̈ܬܐ ܡܫܚܠܦ̈ܐ ܕܥܡܢ ܓܘ ܗܘܦܪܟܝܐ ܕܕܗܘܟ ܒܩܠܝܡܐ ܕܟܘܪܕܣܬܢ.
ܘܝܗ̄ܘܐ ܥܡܐ ܥܡ ܡܕܒܪܢܐ ܓܘܢܝܐ ܒܣܥܘܪܘܬܗ ܠܡܕܝܢ̄ܬܐ ܕܙܟܼܘ، ܡܕܒܪܢܐ ܕܡܕܒܪܢܘܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܕܗܘܟ (ܪܐܐܕ ܓ̰ܪܓ̰ܝܣ ܐܒܪܗܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ (ܒܪܢܐܪܕ ܝܘܣܦ)، ܘܡܢܝܢܐ ܡܢ ܫܕܬܢ̈ܐ ܕܡܕܒܪܢܘܬܐ.
