ܡܛܘܝܡܢܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܚܕܒܫܒܐ 5 ܬܫܪܝܢ ܩܕܡܝܐ 2025، ܓܪܐ ܕܟܕܝܪ̈ܐ ܘܫܕܬܢ̈ܐ ܕܡܕܒܪܢܘܬܐ ܓܘܢܝܬܐ ܘܟܠܝܗܝ ܡܕܒܪ̈ܢܘܬܐ ܘܫܘܬܐܣ̈ܐ ܢܩܝܦ̈ܐ ܐܠܗܿ، ܒܢܨܝܚܘܬܐ ܕܥܒܘܕܘ̈ܬܐ ܕܒܝܬ ܓܠܚܐ ܕܟܬܒܐ ܦܬܝܚܐ ܒܕܘܪܬܗ ܪܒܝܥܝܬܐ، ܒܚܕܐ ܬܦܩܬܐ ܪܘܝܚܬܐ ܒܐܘܢܐ ܕ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܪܘܣܬܩܐ ܕܥܢܟܒܐ ܒܐܪܒܝܠ.
ܘܫܘܪܪܠܗ (ܐܘܓܼܢܐ) ܒܬܦܩܬܐ : (ܡܥܒܪܚ ܥܠ ܩܘܒܠܛܝܒܘܬܢ ܘܐܝܩܪܢ ܪܒܐ ܠܥܡܠ̈ܐ ܕܟܕܝܪ̈ܐ ܘܫܕܬܢ̈ܐ ܕܡܕܒܪܢܘܬܐ ܓܘܢܝܬܐ ܒܟܠܝܗܝ ܡܕܒܪ̈ܢܘܬܗܿ ܘܦܪ̈ܥܗܿ، ܘܥܘܕܪܢܝܗܝ ܫܪܝܪܐ ܒܢܨܝܚܘܬܐ ܕܒܝܬ ܓܠܚܐ ܦܬܝܚܐ ܒܕܘܪܬܗ ܪܒܝܥܝܬܐ)، ܘܐܦ ܗܕܟ ܐ̄ܡܪܗ : (ܡܬܘܪܨܠܗ ܒܝܬ ܓܠܚܐ ܚܕ ܫܘܡܠܝܐ ܓܠܝܐ ܠܥܢܟܒܐ ܘܠܟܠܝܗܝ ܦܢܝܬܝ̈ܢ).
ܘܫܘܪܪܠܗ (ܐܘܓܼܢܐ) ܒܡܡܠܗ ܥܠ (ܐܢܢܩܝܘܬܐ ܕܐܡܝܢܘܬܐ ܒܗܕ ܝܬܝܪܘܬܐ ܒܥܒܘܕܘ̈ܬܐ ܐܬܝܢ̈ܐ، ܠܚܝܠܢܬܐ ܕܫܘܦܐ ܕܡܪܕܘܬܢ ܘܓܠܝܬܐ ܕܡܨܝ̈ܬܐ ܕܟܕܝܪ̈ܝܢ ܒܓܝܓܼܠ̈ܐ ܣܦܪ̈ܝܐ ܘܐܡܢܝ̈ܐ ܡܫܚܠܦ̈ܐ، ܘܫܘܪܪܠܗ ܐܦ ܗܕܟ : ( ܦܘܠܚܢܐ ܟܢܫܝܐ ܘܪܘܚܐ ܕܝܗܠܐ ܝܠܝܗܝ ܐ̄ܪܙܐ ܕܢܨܝܚܘܬܐ ܕܫܘܬܐܣܝ̈ܢ ܡܪ̈ܕܘܬܢܝܐ).
ܘܚܬܡܠܗ (ܐܘܓܼܢܐ) ܣܘܘܕܗ، ܒܛܝܡܢܬܐ ܕܟܕܝܪ̈ܐ ܘܫܕܬܢ̈ܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܫܘܬܐܣ̈ܐ ܢܩܝܦ̈ܐ ܐܠܗܿ، ܒܢܨܝܚܘܬܐ ܕܥܒܘܕܘ̈ܬܐ ܘܟܫܝܪ̈ܘܬܐ ܡܪ̈ܕܘܬܢܝܐ ܒܡܬܚܐ ܥܒܝܪܐ، ܘܒܥܐܠܗ ܡܢ ܟܕܝܪ̈ܐ ܟܠܝܗܝ ܒܣܢܕܬܐ ܕܗܢ ܥܘܕܪܢܐ ܒܥܒܘܕܘ̈ܬܐ ܡܪ̈ܕܘܬܢܝܐ ܐܢܝ ܒܣܒܪܐ ܕܦܝܫܝ ܥܒܝܕ̈ܐ ܒܡܬܚܐ ܐܬܝܢܐ.
