ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ( ܒܪܢܐܪܕ ܝܘܣܦ)، ܝܘܡ ܚܡܫܒܫܒܐ 9 ܬܫܪܝܢ ܩܕܡܝܐ 2025، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܡܫܕܪܘܬܐ ܡܢ ܩܢܛܪܘܢ ܕܡܠܝܠܘܬܐ ܢܩܝܦܐ ܠܒܝܬ ܪܒܢܐ ܐܠܚܘܐܝ ܓܘ ܢܓ̰ܦܿ ܝܩܝܪܬܐ، ܒܪܫܢܘܬܐ ܕܡܕܒܪܢܐ ܕܩܢܛܪܘܢ ܕܟܬܘܪ (ܙܝܕ ܒܚܪ ܐܠܥܠܘܡ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܬܦܩܬܐ ܐܘܦܩ̈ܐ ܕܥܘܕܪܢܐ ܡܪܕܘܬܢܝܐ ܒܝܢ ܬܪܘܝܗܝ ܫܘܬܐܣ̈ܐ، ܘܫܒܝܠ̈ܐ ܕܚܝܠܢܬܐ ܕܚܘܠܦܐ ܒܓܝܓܼܠ̈ܐ ܕܒܘܨܝܐ ܘܝܪܬܘܬܐ ܘܪܢܝܐ ܐ̄ܢܫܝܐ ܡܫܘܬܦܐ، ܠܪܣܟܬܐ ܕܪ̈ܫܘܬܐ ܕܕܘܪܫܐ ܘܡܣܬܟܠܢܘܬܐ ܒܝܢ ܡܟܝܢ̈ܬܐ ܡܪ̈ܕܘܬܢܝܐ ܓܘ ܥܝܪܩ.
ܘܒܬܪ ܬܦܩܬܐ، ܩܝܡܠܗܿ ܡܫܕܪܘܬܐ ܒܣܥܘܪܘܬܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ، ܘܟܪܟܼܠܗܿ ܒܡܢ̈ܘܬܗ، ܘܚܙܐܠܗܿ ܩܢܝܢ̈ܗ ܘܣܗܡ̈ܗ ܐܢܝ ܡܣܓܠܢܝ ܓܢ̄ܒ̈ܐ ܐܢܢܩܝ̈ܐ ܡܢ ܬܫܥܝܬܐ ܘܡܪܕܘܬܐ ܕܥܡܢ ܒܐܬܪܐ، ܘܡܘܚܘܐܠܗܘܢ ܗܕܡ̈ܐ ܕܡܫܕܪܘܬܐ ܕܡܝܪܘܬܝܗܝ ܒܝܪܬܘܬܐ ܡܪܕܘܬܢܝܬܐ ܕܥܡܢ، ܘܫܘܪܪܠܗܘܢ ܕܗܕ ܝܪܬܘܬܐ ܡܬܪܨܐ ܥܡ ܝܪܬܘܬܐ ܕܦܝܫܢ̈ܐ ܕܡܟܝܢ̈ܬܐ ܦܣܦܣܬܐ ܕܥܡܐ ܥܝܪܩܝܐ ܒܟܠܝܗܝ ܡܟܝܢ̈ܬܗ ܘܡܪ̈ܕܘܬܗ.
