ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ” ܓܘ ܡܫܪܝܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ ، ܝܘܡ ܬܪܝܢܒܫܒܐ 20 ܐܝܪ 2024 ، ܐܟܕܝܡܝܐ ܓܘ ܡܢܬܐ ܕܕܪ̈ܫܝܬܐ ܣܘܪ̈ܝܝܐ ܒܒܝܬ ܨܘܒܐ ܕܡܕܝܢ̄ܬܐ ܕܡܕܝܐܬ ܬܘܪܟܝܬܐ ܕܟܬܘܪ ” ܪܡܨܿܐܢ ܬܘܪܟܬ”، ܒܚܒܪܘܬܐ ܕ” ܐܕܡ ܚܢܘ” ܘ ” ܠܘܟܐܣ ܐܬܟܬܐܫ” ܝܨܝܦ̈ܐ ܒܨܒܘܬܐ ܣܘܪܝܝܝܐ ܒܝܬ ܡܕܝܢ̄ܬܐ .
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܬܦܩܬܐ ܠܟܫܝܪ̈ܘܬܐ ܘܥܒܘܕܘ̈ܬܐ ܟܢܘܫܝܝ̈ܐ ܐܢܝ ܡܛܟܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܦܢܝ̈ܬܐ ܡܫܚܠܦ̈ܐ ܕܐܝܬܘܬܐ ܕܥܡܢ، ܘܫܘܪܪܠܗܘܢ ܥܠ ܐܢܢܩܝܘܬܐ ܕܛܘܪܢܬܐ ܕܐܣܘܪ̈ܐ ܒܝܢ ܡܢܬܐ ܕܕܪ̈ܫܝܬܐ ܣܘܪ̈ܝܝܐ ܓܘ ܒܝܬ ܨܘܒܐ ܕܡܕܝܐܬ ܒܬܘܪܟܝܐ ܘܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܩܠܝܡܐ ܕܟܘܪܕܣܬܢ ܕܥܝܪܩ.
ܘܫܘܪܪܠܗ ” ܐܘܓܼܢܐ” ܕܬܪ̈ܥܐ ܕܡܕܒܪܢܘܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܕܥܡܢ ܠܬܫܡܫܬܐ ܕܡܪܕܘܬܐ ܘܝܪܬܘܬܐ ܣܘܪܝܝܬܐ ܓܘ ܡܕܢܚܐ.
