ܣܥܪܠܗ ܘܙܝܪ ܡܪܕܘܬܐ ܘܥܠܝܡ̈ܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܡܝܩܪܐ ” ܚܡܝ ܚܡܐ ܣܥܝܕ” ܥܕܬܐ ܐܬܘܪܝܬܐ ܓܘ ܡܘܣܟܘ، ܝܘܡܐ ܕܐܪܒܥܒܫܒܐ 18/10/2023 ܒܚܒܪܘܬܐ ܕܕ.”ܕܐܢܪ ܡܘܨܛܦܐ” ܡܛܦܣܢܐ ܕܫܘܠܛܢܘܬܐ ܕܩܠܝܡܐ ܓܘ ܪܘܣܝܐ ܘܡܫܕܪܘܬܐ ܕܥܡܗ.
ܘܝܗ̄ܘܐ ܒܣܩܒܠܬܝܗܝ ܪܥܝܐ ܕܥܕܬܐ ܟܘܪ ܐܦܣܩܘܦܐ “ܣܐܡܐܢܘ ܐܘܕܝܫܘ” ܡܢ ܡܫܝܚܝ̈ܐ ܕܟܘܪܕܣܬܢ، ܘܕܪܫܠܗܘܢ ܓܘ ܬܦܩܬܐ ܣܘܘܕܐ ܚܕܪ ܚܝܝܬܐ ܐܚܘܬܢܝܬܐ ܒܝܢܬ ܟܠܝܗܝ ܡܟܝܢ̈ܬܐ ܬܘܕܝܬܢܝ̈ܐ ܘܐܘܡܬܢܝ̈ܐ ܓܘ ܩܠܝܡܐ ܘܓܪܝܗܝ ܡܥܒܕܢܐ ܓܘ ܡܛܘܪܢܬܐ ܕܐܡܢܐ ܘܝܪܬܘܬܐ ܘܡܪܕܘܬܐ.
ܘܪܡܙܠܗ “ܣܥܝܕ” ܕܘܙܝܪܘܬܗ ܦܠܚܐ ܠܡܥܡܩܬܐ ܕܪܘܚܐ ܕܫܘܒܩܢܐ ܘܚܝܝܬܐ ܒܫܠܡܐ ܐܝܟ ܢܝܫܐ ܐܣܛܪܛܝܓܝܐ، ܘܐܝܬܠܗܿ ܡܕܒܪ̈ܢܘܬܐ ܓܘܢܝ̈ܐ ܠܬܫܡܫܬܐ ܕܐܡܢܐ ܘܝܪܬܘܬܐ ܘܡܪܕܘܬܐ ܕܒܢܝ̈ ܡܟܝܢ̈ܬܐ ܡܫܚܠܦ̈ܐ.
ܘܩܘܠܣܠܗ ܟܘܪ ܐܦܣܩܘܦܐ “ܐܘܕܝܫܘ” ܒܩܐܡ ܕܚܝܝܬܐ ܒܫܠܡܐ ܒܝܢܬ ܟܠܝܗܝ ܡܟܝܢ̈ܬܐ ܕܩܠܝܡܐ ܕܟܘܪܕܣܬܢ ، ܘܡܘܩܪܒܠܗ ܩܘܒܠܛܝܒܘܬܐ ܠܚܘܦܛ̈ܐ ܕܘܙܝܪܘܬ ܡܪܕܘܬܐ ܘܥܠܝܡ̈ܐ ܘܝܨܝܦܘܬܗܿ ܒܐܡܢ̈ܐ ܘܡܪܕܘܬܐ ܕܟܠܝܗܝ ܡܟܝܢ̈ܬܐ.
