ܣܘܩܒܠܠܗ ܡܝܩܪܐ ܟܠܕܘ ܪܡܙܝ ܐܘܓܼܢܐ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܐܪܝܐܢ ܨܠܐܚ ܐܠܕܝܢ ܘܟܝܠܐ ܕܘܙܝܪ ܡܪܕܘܬܐ ܘܥܠܝ̈ܡܐ ܒܫܘܠܛܢܘܬ ܩܠܝܡܐ ܕܟܘܪܕܣܬܢ ܒܨܦܪܐ ܕܚܕܒܫܒܐ 20 ܐܒ 2023 ܒܒܢܝܢܐ ܕܡܕܒܪܢܘܬܐ ܓܘܢܝܬܐ ܒܪܘܣܬܩܐ ܕܥܢܟܒܐ ܒܛܘܝܒ ܡܕܒܪ̈ܢܐ ܕܡܢܘ̈ܬܐ ܕܡܕܒܪܢܘܬܐ ܓܘܢܝܬܐ.
ܘܡܩܘܠܣܠܗ ܡܝܩܪܐ ܨܠܐܚ ܐܠܕܝܢ ܒܥܕܢ ܬܦܩܬܐ ܥܠ ܥܡܠ̈ܐ ܡܘܩܪ̈ܒܐ ܡܢ ܩܕ̄ܡ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܕܘܪܐ ܣܪܢܝܐ ܗܘ ܕܩܝܡܐ ܒܓܘܗ ܒܚܩܠܐ ܡܪܕܘܬܢܝܐ ܟܘܪܕܣܬܢܝܐ.
ܘܡܢ ܓܢ̄ܒܗ ܡܘܥܒܪܠ̄ܗ ܐܘܓܼܢܐ ܥܠ ܐܝܩܪܐ ܕܡܪܕܘܬܐ ܣܘܪܝܝܬܐ ܠܣܢܕܬܐ ܕܫܘܠܛܢܘܬ ܩܠܝܡܐ ܕܟܘܪܕܣܬܢ، ܘܒܦܪܝܫܘܬܐ ܘܙܝܪܘܬ ܡܪܕܘܬܐ، ܠܡܪ̈ܕܘܬܐ ܕܡܟܝ̈ܢܬܐ ܘܦܠܚܬܗܿ ܟܫܝܪܬܐ ܠܫܪܝܐ ܕܟܠ ܩܛܪ̈ܐ ܕܟܠܝ ܘܣܡܟܝ ܒܪܩܘܒܠ ܡܐܙܠܬܐ ܕܫܘܘܫܛܗܿ ܘܛܘܘܪܗܿ.
