ܣܥܪܠ̄ܗ ܐܪܝܐܢ ܨܠܐܚ ܐܠܕܝܢ ܘܟܝܠ ܘܙܝܪ ܡܪܕܘܬܐ ܘܥܠܝ̈ܡܐ ܒܫܘܠܛܢܘܬ ܩܠܝܡܐ ܕܟܘܪܕܣܬܢ ܒܚܒܪܘܬ ܡܫܕܪܘܬ ܡܕܒܪܢܘܬܐ ܓܘܢܝܬܐ ܠܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܪܫܢܘܬ ܡܕܒܪܢܗܿ ܓܘܢܝܐ ܡܝܩܪܐ ܟܠܕܘ ܪܡܙܝ ܐܘܓܼܢܐ، ܦܛܪܝܪܟܐ ܟܠܕܝܐ ܟܐܪܕܝܢܐܠ ܠܘܝܣ ܪܘܦܐܝܠ ܣܐܟܘ ܨܦܪܐ ܕܚܕܒܫܒܐ 20 ܐܒ 2023 ܒܡܫܪܝܐ ܩܝܛܝܐ ܕܦܛܪܝܪܟܘܬܐ ܒܒܝܬ ܨܘܒܐ ܕܫܡܥܘܢ ܐܠܨܦܐ ܕܟܗܢܘܬܐ ܒܪܘܣܬܩܐ ܕܥܢܟܒܐ.
ܘܡܘܥܒܪܠ̄ܗ ܟܐܪܕܝܢܐܠ ܣܐܟܘ ܒܥܕܢ ܬܦܩܬܐ ܥܠ ܐܝܩܪܗ ܠܕܘܪܐ ܪܫܝܐ ܗܘ ܕܩܝܡܐ ܒܓܘܗ ܫܘܠܛܢܘܬ ܩܠܝܡܐ ܕܟܘܪܕܣܬܢ ܒܓܘ ܪܣܟܬܐ ܕܣܘܟܠ̈ܐ ܕܐܚܘܬܐ ܫܝܢܝܬܐ ܘܐܝܩܪܐ ܘܩܒܠܬܐ ܕܐ̄ܚܪܢܐ، ܟܘܕ ܐܗܘ ܒܡܫܪܘܪܐ ܥܠ ܐܢܢܩܝܘܬ ܦܪܣܬܐ ܕܝܩܝܪ̈ܘܬܐ ܕܫܘܒܩܢܐ ܘܡܪܓܫܬܐ ܕܒܢܝ̈ ܐܬܪܐ ܘܡܝܕܥܬܗܘܢ ܒܬܘܕܝ̈ܬܐ ܐ̄ܚܪ̈ܢܝܬܐ ܕܚܝܝ ܒܩܠܝܡܐ ܘܡܘܙܗܪܠ̄ܗ ܥܠ ܐܠܨܝܘܬ ܡܣܝܡܬܐ ܕܒܠܐ ܥܠ ܡܢܕܝܢ̈ܐ ܡܫܘܬܦ̈ܐ ܪܘܚܩܐ ܡܢ ܡܡܠܠܐ ܕܣܢܝܘܬܐ.
ܘܡܢ ܓܢ̄ܒܗ ܡܫܘܪܪܠ̄ܗ ܨܠܐܚ ܐܠܕܝܢ ܥܠ ܣܡܟܬܐ ܣܢܕܢܝܬܐ ܕܫܘܠܛܢܘܬܐ ܕܩܠܝܡܐ ܠܦܛܪܝܪܟܐ ܘܠܣܡܟܝ̈ܬܗ ܐܬܪ̈ܢܝܐ ܫܪܝܪ̈ܐ، ܒܡܡܠܠܐ ܘܦܘܠܚܢܐ، ܘܡܩܘܠܣܠܗ ܣܡܟܝ̈ܬܗ ܐܬܪ̈ܢܝܐ ܘܐ̄ܢܫܝ̈ܐ ܘܢܣܝܘܢܗ ܐܡܝܢܐ ܠܦܪܣܐ ܕܡܪܕܘܬܐ ܕܚܝܝܬܐ ܡܫܘܬܦܝܬܐ ܘܩܪܝܬܗ ܐܡܝܢܬܐ ܠܦܪܫܐ ܕܬܘܕܝܬܐ ܡܢ ܕܘܠܬܐ ܘܫܘܪܪܐ ܕܙܩ̈ܐ ܡܕܝܢܝ̈ܐ ܠܟܠܗܘܢ ܒܢ̈ܝ ܐܬܪܐ ܫܘܝܐܝܬ.
