ܦܝܫܠܗܘܢ ܚܬܝܡܐ، ܒܪܡܫܐ ܕܫܒܬܐ 16 ܟܢܘܢ ܩܕܡܝܐ 2023، ܥܒܘܕܘ̈ܬܐ ܕܥܕܥܐܕܐ ܕܒܐܡܐ ܣܘܪܝܝܐ ܒܕܘܪܬܗ ܩܕܡܝܬܐ، ܗܘ ܡܛܟܣܐܠܗ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܠܡܬܚܐ ܡܢ 14-16 ܟܢܘܢ ܩܕܡܝܐ ܓܘ ܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ.
ܘܫܘܪܐܠܗ ܝܘܡܐ ܬܠܝܬܝܐ ܘܐ̄ܚܪܝܐ ܡܢ ܥܕܥܐܕܐ ܟܫܝܪ̈ܘܬܗ ܒܚܠܩܬܐ ܕܘܪܫܝܬܐ ܨܦܪܝܬܐ، ܓܘ ܐܘܢܐ ܕܦܢܕܩܐ ܕܗܝܟܣܘܣ ، ܒܫܡܐ ܕ( ܕܟܬܘܪ ܥܘܢܝ ܟܪܘܡܝ : ܡܐܙܠܬܐ ܡܠܝܬܐ ܡܢ ܫܘܡܠܝ̈ܐ ܘܚܙܝ̈ܐ)، ܐܢܝ ܕܦܝܫܠܗܘܢ ܡܘܩܪܒܐ ܒܝܕ ܡܕܒܪܢܐܐ ܕܒܐܡ̈ܐ ܓܘ ܚܘܕܪܐ ܕܣܝܢܡܐ ܘܒܐܡܐ ܒܘܙܝܪܘܬ ܡܪܕܘܬܐ ܚܘܝܕܝܬܐ ” ܪܐܐܕ ܡܘܚܣܢ”، ܘܡܦܩܢܐ ܒܐܡܝܐ ܥܝܪܩܝܐ ܐܡܢܐ “ܐܒܪܐܗܝܡ ܐܠܚܢܘܢ”.
ܘܒܚܘܬܡܐ ܕܚܠܩܬܐ ܕܘܪܫܝܬܐ ܦܝܫܠܗ ܥܒܝܕܐ ܡܝܩܪܢܘܬܐ ܕܒܝܬܘܬܐ ܕܕܟܬܘܪ “ܥܘܢܝ ܟܪܘܡܝ” ܒܕܘܪܥܐ ܕܥܕܥܐܕܐ، ܕܦܝܫܠܗ ܫܩܝܠܐ ܒܝܕ ܡܝܩܪܬܐ “ܢܐܕܝܐ ܟܪܘܡܝ” ܡܛܦܣܢܝܬܐ ܡܢ ܒܝܬܘܬܐ ܕܕܟܬܘܪ.
ܘܚܒܫܠܗ ܢܘܩܙܐ ܪܡܫܝܐ ܡܢ ܝܘܡܐ ܐ̄ܚܪܝܐ ܕܥܕܥܐܕܐ ܬܪܝ ܓܠܚ̈ܐ ܒܐܡܝ̈ܐ ܐܝܟ ܒܝܘܡܐ ܩܕܡܝܐ، ܗܘ ܩܕܡܝܐ ܕܒܝܬ ܕܪܫܐ ܕܐܡܢ̈ܐ ܫܦܝܪ̈ܐ /ܩܪܩܘܫ ܒܫܡܐ ܕ(ܡܝܡ)، ܣܝܢܪܝܘ ܘܡܦܩܢܘܬܐ “ܘܝܣܐܡ ܢܘܚ ܦܛܪܘܣ” ، ܘܡܫܘܬܦܠܗ ܒܡܡܬܠܢܘܬܐ (ܚܐܠܕ ܡܓ̰ܝܕ ܛܘܒܝܐ، ܪܐܡܐ ܒܐܣܡ ܒܫܝܪ، ܘܣܝܡ ܬܐܐܪ ܚܨܿܪ).
ܘܡܛܐܠܬܐ ܬܪܝܢܝܬܐ ܝܗ̄ܘܬ ܕܝܗܠܐ ܕܒܐܡܐ، ܒܫܡܐ ܕ(ܟܪܒܐ)، ܣܝܘܡܘܬܐ ܘܡܦܩܢܘܬܐ “ܬܐܡܪ ܡܝܟܐܝܠ ܒܬܩ” ܘܡܡܬܠܢܘܬܐ “ܐܢܣ ܙܘܗܝܪ ܚܢܐܢ “.
ܘܒܬܪ ܓܠܚ̈ܐ ܒܐܡܝ̈ܐ، ܡܘܩܪܒܠܗ ܝܗܠܐ ܕܒܐܪܡܝܐ ܣܘܪܝܝܐ ܐܬܝܢܐ ܡܢ ܡܕܝܢ̄ܬܐ ܕܩܡܫܠܝ ܣܘܪܝܼܝܬܐ، ܚܕ ܠܘܚܐ ܓܘܠܚܝܐ ܥܡ ܪ̈ܩܕܐ ܦܠܟܠܘܪ̈ܝܐ ܫܩܝܠ̈ܐ ܡܢ ܝܪܬܘܬܐ ܕܥܡܢ، ܕܒܬܪ ܗܕܟ ܦܝܫ ܩܪܝܐ ܒܘܝܢܐ ܚܘܬܡܝܐ ܕܥܕܥܐܕܐ ܒܝܕ ܣܝܥܬܐ ܕܡܦܠܓܼܢܘܬܐ، ܗܘ ܕܚܒܫܠܗ ܡܢܝܢܐ ܡܢ ܦܘܩܕ̈ܐ ܘܡܚܫܚܝ̈ܬܐ ܠܡܛܘܪܢܬܐ ܘܐܡܝܢܝܘܬܐ ܕܒܐܡܐ ܣܘܪܝܝܐ ܓܘ ܥܝܪܩ.
ܘܒܚܘܬܡܐ ܕܙܘܝܚܐ ܚܘܬܡܝܐ، ܗܘ ܕܦܝܫܠܗ ܥܒܝܕܐ ܓܘ ܐܘܢܐ ܕܟܢܘܫܬܐ ܕܡܪܕܘܬܐ ܟܠܕܝܬܐ، ܦܝܫܠܗܘܢ ܡܦܘܠܓ̄ܝ̈ܐ ܕܘܪ̈ܥܐ ܕܡܝܩܪܢܘܬܐ ܕܥܕܥܐܕܐ ܥܠ ܪܫܐ ܘܗܕܡ̈ܐ ܕܣܝܥܬܐ ܕܡܦܠܓܼܢܘܬܐ، ܥܡ ܪܫܐ ܕܥܕܥܐܕܐ ܡܒܚܢܢܐ ܒܐܡܝܐ ܘܡܬܢܝܢܐ “ܨܒܐܚ ܐܠܫܐܢܝ”.
ܘܕܫܢ̈ܐ ܕܥܕܥܐܕܐ ܦܝܫܠܗܘܢ ܡܦܘܠܓܼܝܐ ܐܝܟ ܕܐܬܐ( ܕܫܢܐ ܕܨܚܚܐ ܒܫ ܛܒ ܕܡܛܐܠܬܐ ܕܙܘܘܓܐ ܐ̄ܚܪܝܐ، ܕܫܢܐ ܕܡܡܬܠܢܐ ܒܫ ܛܒ “ܐܢܣ ܥܘܠܘ ܡܢ ܡܛܐܠܬܐ ܕܟܪܒܐ، ܕܫܢܐ ܕܡܡܬܠܢܝܬܐ ܒܫ ܛܒܐ ” ܐܦܝܢ ܒܐܗܪ” ܡܢ ܡܛܐܠܬܐ ܕܛܘܒܝܐ،ܕܫܢܐ ܕܣܝܢܘܓܼܪܦܝܟ ܒܫ ܛܒ ܕܡܛܐܠܬܐ ܕܙܘܘܓܼܐ ܐ̄ܚܪܝܐ، ܕܫܢܐ ܕܡܦܩܢܐ ܒܫ ܛܒ ܕܕܟܬܘܪ ܢܫܐܬ ܡܘܒܐܪܟ ܡܢ ܡܛܐܠܬܐ ܕܛܟܣ̈ܐ ܕܩܝܣܐ-طقوس الحطب). ܕܫܢܐ ܕܓܠܚܐ ܒܐܡܝܐ ܒܫ ܛܒ ܕܡܛܐܠܬܐ ܕܙܘܘܓܐ ܐܼܚܪܝܐ (زواغا خرايا)
ܘܦܣܩܠܗܿ ܡܕܒܪܢܘܬܐ ܕܥܕܥܐܕܐ ܝܗ̄ܒܠܬܐ ܕܕܫܢܐ ܕܡܡܬܠܢܐ ܘܥܝܕܐ ܠ “ܘܣܝܡ ܬܐܐܪ ܚܨܿܪ” ܥܠ ܡܛܐܠܬܐ ܕ(ܡܝܡ – ميم)
ܘܦܝܫ ܕܟܝܪܐ، ܕܥܕܥܐܕܐ ܕܒܐܡܐ ܣܘܪܝܝܐ ܒܕܘܪܬܗ ܩܕܡܝܬܐ ܫܘܪܐܠܗ ܒܪܘܣܬܩܐ ܕܥܢܟܒܐ، ܝܘܡ ܚܡܫܒܫܒܐ 14 ܟܢܘܢ ܩܕܡܝܐ2023 ، ܒܛܘܝܒܐ ܕܡܢܝܢܐ ܪܒܐ ܡܢ ܘܒخܐܡܝ̈ܐ ܥܝܪ̈ܩܝܐ ܘܟܘܪ̈ܕܣܬܢܝܐ ܘܣܘܪ̈ܝܝܐ، ܒܐܘܢܐ ܕܟܢܘܫܬܐ ܕܡܪܕܘܬܐ ܟܠܕܝܬܐ ܒܥܢܟܒܐ
