ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܒܛܘܝܒܐ ܕܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ ” ܒܪܢܐܪܕ ܝܘܣܦ ” ܝܘܡ ܬܠܬܒܫܒܐ 30 ܢܝܣܢ 2024، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܚܦܝܛܐ ܐܘܡܬܢܝܐ ” ܦܪܐܣ ܓ̰ܬܘ” ܐܬܝܢܐ ܡܢ ܐܘܚܕܢ̈ܐ ܡܚܝܕ̈ܐ ܐܡܪ̈ܝܟܝܐ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܩܐܡ ܡܪܕܘܬܢܝܐ ܣܘܪܝܝܐ ܓܘ ܥܝܪܩ ܘܩܠܝܡܐ ܕܟܘܪܕܣܬܢ ܘܓܪܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܗܕ ܨܒܘܬܐ، ܘܪܡܙܠܗ “ܐܘܓܼܢܐ” ܕܬܪ̈ܥܐ ܕܡܕܒܪܢܘܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠܝܗܝ ܦܪ̈ܨܘܦܐ ܘܫܘܬܐܣ̈ܐ ܡܪ̈ܕܘܬܢܝܐ ܒܓܘܝ̈ܐ ܘܒܪ̈ܝܐ ܕܐܬܪܐ، ܠܩܘܝܡܐ ܒܩܐܡ ܡܪܕܘܬܢܝܐ ܣܘܪܝܝܐ ܘܡܛܘܪܢܬܗ.
ܘܡܘܩܪܒܠܗ ” ܐܘܓܼܢܐ” ܠܐܪܚܐ ܣܥܘܪܐ ܢܘܣܟܼܐ ܡܢ ܡܢܝܢܐ ܐ̄ܚܪܝܐ ܡܢ ܡܓܼܠܬܐ ܕ(ܒܢܐܦܠ) ، ܥܡ ܡܢܝܢܐ ܡܢ ܦܪ̈ܝܣܬܐ ܐܢܝ ܕܢܦܩܠܗܘܢ ܡܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ.
