ܡܫܘܬܦܠܗ ܝܗܠܐ ܣܘܪܝܝܐ ܕܐܡܢ̈ܐ ܢܩܝܦܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܓܘ ܥܒܼܘܕܘ̈ܬܐ ܕܥܕܥܐܕܐ ܕܣܡܐ ܕܗܘܟ ܕܪܩܕܐ ܦܠܟܠܘܪܝܐ ܒܢܘܣܟܗ ܩܕܡܝܐ، ܗܘ ܕܦܝܫܠܗ ܥܒܝܕܐ ܒܪܥܝܘܬܐ ܕܫܘܬܐܣܐ ܕܟܘܪܕܣܬܢ 24 ܝܘܕܥܝܐ ، ܝܘܡ ܬܪܝܢܒܫܒܐ 29 ܢܝܣܢ 2024 ، ܓܘ ܐܘܢܐ ܕܒܝܬ ܨܘܒܐ ܕܕܗܘܟ ܕܠܘܡܕ̈ܐ ، ܘܬܚܘܬ ܪܘܫܡܐ ” ܦܨܝܚ̈ܐܗ̄ܘܚ ܒܐܚܕܕܐ”.
ܘܚܒܫܠܗܘܢ ܥܒܘܕܘ̈ܬܐ ܕܥܕܥܐܕܐ، ܗܘ ܕܡܘܓܪܫܠܗ ܡܬܚܐ ܕܬܪܝܢ ܝܘܡ̈ܐ، ܪܩܕܐ ܦܠܟܠܘܪܝܐ، ܒܘܓܼܬܐ ܣܡܘܩܬܐ ܘܙܘܝܚ̈ܐ ܡܘܣܝܩܝ̈ܐ، ܒܫܘܬܦܬܐ ܕܡܢܝܢܐ ܡܢ ܐܡܢ̈ܐ ܘܝܗܠ̈ܐ ܐܡܢܝ̈ܐ ܡܢ ܓܘܝ̈ܐ ܘܒܪ̈ܝܐ ܕܩܠܝܡܐ ܕܟܘܪܕܣܬܢ، ܘܝܗ̄ܘܐ ܡܛܝܒܐ ܒܚܘܪ̈ܩܢܐ ܕܦܘܬܚܐ ܕܥܕܥܐܕܐ ܡܕܒܪܢܐ ܕܡܕܒܪܢܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܕܗܘܟ “ܪܐܐܕ ܓ̰ܪܓ̰ܝܣ”.
ܘܡܘܩܪܒܠܗ ܝܗܠܐ ܣܘܪܝܝܐ ܕܐܡܢ̈ܐ ܚܕ ܠܘܚܐ ܦܠܟܠܘܪܝܐ ܡܘܥܒܪܗ ܥܠ ܝܪܬܘܬܐ ܣܘܪܝܝܬܐ، ܡܘܒܣܡܠܗ ܠܠܒܐ ܕܡܛܝܒ̈ܐ ܒܟܠ ܚܘܒܐ ܘܐܝܩܪܐ.
ܘܦܝܫ ܕܟܝܪܐ ، ܕܥܕܥܐܕܐ ܕܣܡܐ ܕܗܘܟ ܕܪܩܕܐ ܦܠܟܠܘܪܝܐ ܦܝܫܠܗ ܡܛܘܟܣܐ ܒܥܘܕܪܢ ܒܝܢ ܡܛܟܣܬܐ ܕܪܩܕܐ ܡܛܠ ܡܪܕܘܬܐ ܓܘ ܟܘܪܕܣܬܢ ܘܩܢܛܪܘܢ ܡܪܕܘܬܢܝܐ ܘܟܢܘܫܝܝܐ ܕܒܝܬ ܨܘܒܐ ܕܕܗܘܟ .
