ܬܦܩܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܐܪܒܥܒܫܒܐ 15 ܬܫܪܝܢ ܩܕܡܝܐ 2025، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܒܣܝܥܬܐ ܕܝܘܩܢܐ ܕܗܒܢܝܐ ܕܓܠܝܘܢܘܬܐ، ܒܢܝܫܐ ܕܛܘܝܒܐ ܠܙܘܝܚܐ ܗܘ ܒܕ ܩܝܡܐ ܓܘܗ ܡܕܒܪܢܘܬܐ ܒܥܘܕܪܢ ܥܡ ܚܘܝܕܐ ܕܣܦܪ̈ܐ ܘܣܝܘܡ̈ܐ ܣܘܪ̈ܝܝܐ ܒܦܘܪܣܐ ܕܝܘܡܐ ܕܓܠܝܘܢܘܬܐ ܣܘܪܝܝܬܐ.
ܘܚܒܫܠܗܿ ܟܦܫܬܐ ܣܘܘܕܐ ܥܠ ܡܠܘ̈ܐܐ ܐܢܝ ܕܦܝܫܝ ܥܒܝܕܐ ܒܙܘܝܚܐ ܕܝܘܡܐ ܕܓܠܝܘܢܘܬܐ ܣܘܪܝܝܬܐ، ܥܡ ܣܘܘܕܐ ܚܕܪ ܫܡܗ̈ܐ ܕܦܪ̈ܨܘܦܝܘܬܐ ܒܫ ܡܫܡܗ̈ܐ ܐܢܝ ܕܦܝܫܐ ܥܒܝܕܬܐ ܡܝܩܪܢܘܬܝܗܝ ܒܙܘܝܚܐ.
ܘܚܒܫܠܗܿ ܟܦܫܬܐ ܟܠ ܡܢ ܚܠܦ ܪܫܐ ܕܚܘܝܕܐ ܕܣܦܪ̈ܐ ܣܘܪ̈ܝܝܐ ܣܦܪܐ (ܐܟܕ ܡܘܪܕ)، ܘܡܫܬܐܠܢܐ ܕܡܢܬܐ ܕܝܘܕܥܐ ܒܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ (ܢܝܢܐ ܗܘܪܡܙ)، ܘܟܕܝܪܐ ܒܡܢܬܐ ܕܝܘܕܥܐ ܕܡܕܒܪܢܘܬܐ (ܡܐܪܓܪܝܬ ܐܕܘܪ).
ܘܦܝܫ ܕܟܝܪܐ، ܕܥܡܢ ܟܡܙܝܚ ܒܥܐܕܐ ܕܓܠܝܘܢܘܬܐ ܣܘܪܝܝܬܐ، ܐ̄ܣܪܬܐ ܒܣܝܩܘܡ ܢܦܩܬܐ ܕܓܠܝܘܢܐ ܩܕܡܝܐ ܒܠܫܢܐ ܣܘܪܝܝܐ، ܒܫܡܐ ܕ(ܙܗܪܝܪ̈ܐ ܕܒܗܪܐ)، ܗܘ ܢܦܩܠܗ ܡܢܝܢܐ ܩܕܡܝܐ ܡܢܗ ܒܣܝܩܘܡ 1 ܬܫܪܝܢ ܬܪܝܢܐ ܫܢ̄ܬܐ ܕ 1849 ܒܡܕܝܢ̄ܬܐ ܕܐܘܪܡܝ ܒܐܝܪܢ.