ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܝܘܡ ܬܪܝܢܒܫܒܐ 28 ܢܝܣܢ 2025، ܟܬܘܒܐ ܘܣܦܪܐ ( ܣܥܝܕ ܫܐܡܝܐ )، ܠܕܘܪܫܐ ܕܩܐܡ ܡܪܕܘܬܢܝܐ ܕܥܡܢ ܘܫܒܝܠ̈ܐ ܕܛܘܪܢܬܗ ܘܐܡܝܢܝܘܬܗ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܩܐܡ ܡܪܕܘܬܢܝܐ ܕܥܡܢ ܘܫܒܝܠ̈ܐ ܕܛܘܪܢܬܗ ܘܐܡܝܢܝܘܬܗ ، ܘܩܘܠܣܠܗ (ܐܘܓܼܢܐ) ܒܡܐܙܠܬܐ ܕܣܦܪܐ (ܣܥܝܕ ܫܐܡܝܐ) ܗܝ ܡܠܝܬܐ ܡܘܗܒܬܐ ܘܫܘܬܦܝ̈ܬܗ ܛܝܡܢ̈ܐ ܒܥܬܝܪܘܬܐ ܕܩܐܡ ܡܪܕܘܬܢܝܐ ܕܥܡܢ، ܘܫܘܪܪܠܗ ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ، ܠܬܫܡܫܬܐ ܕܝܪܬܘܬܐ ܘܡܪܕܘܬܐ ܕܥܡܢ .
