ܡܙܘܝܚܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܒܪܡܫܐ ܕܝܘܡ ܥܪܘܒܬܐ 30 ܐܝܪ 2025 ، ܒܝܘܡܐ ܕܫܒܼܪܐ ܬܒܠܝܐ ܘܠܫܢ̄ܬܐ ܪܒܝܥܝܬܐ ܢܩܦܐܝܬ، ܒܚܕ ܙܘܝܚܐ ܟܡ ܛܟܣܐܠܗ ܒܫܡܐ ܕ( ܝܘܡܐ ܙܘܝܚܝܐ Children’s Day) ܡܢ ܟܫܝܪ̈ܘܬܐ ܕܥܕܥܐܕܐ ܕܥܢܟܒܐ ܘܒܣܕܝܪܘܬܐ ܥܡ ܬܪܒܝܬܐ ܕܚܕܪ̈ܘܢܐ ܕܐܪܒܝܠ ܘܒܥܘܕܪܢ ܥܡ ܩܢܛܪܘܢ ܐܟܕܝܡܝܐ ܟܢܘܫܝܝܐ ܗܘ ܕܚܦܩܠܗ ܠܙܘܝܚܐ ܥܠ ܓܢ̈ܗ ܒܪܘܣܬܩܐ ܕܥܢܟܒܐ ܓܘ ܗܘܦܪܟܝܐ ܕܐܪܒܝܠ.
ܘܚܒܫܠܗ ܙܘܝܚܐ ܓܠܚ̈ܐ ܘܡܛܐܠܝ̈ܬܐ ܡܫܚܠܦ̈ܐ، ܚܒܫܠܗܘܢ ܓܠܚܬܐ ܕܪܩܕܐ ܕܒܠܝܗ ܘܢܩܫܬܐ ܕܦܝܢܘ ܐܢܝ ܕܦܝܫܠܗܘܢ ܡܘܩܪܒܐ ܒܝܕ ܝܠܘܦ̈ܐ ܕܐܟܕܝܡܝܘܬܐ ܕܐܘܪܢܝܢܐ ܕܐܡܢ̈ܐ، ܘܓܠܚܬܐ ܕܪ̈ܩܕܐ ܝܪ̈ܬܘܬܢܝܐ ܦܝܫܠܗܘܢ ܡܘܩܪܒܐ ܒܝܕ ܝܠܘܦ̈ܐ ܕܡܕܪܫܬܐ ܕܡܝܠܬܘ ܬܒܠܝܬܐ، ܥܡ ܓܠܚ̈ܐ ܘܡܘܪ̈ܝܐ ܦܝܫܠܗܘܢ ܡܘܩܪܒܐ ܒܝܕ ܝܠܘܦ̈ܐ ܕܡܕܪܫܬܐ ܕܡܝܕܝܐ ܘܓܠܚ̈ܐ ܐ̄ܚܪ̈ܢܐ ܦܝܫܠܗܘܢ ܡܘܩܪܒܐ ܒܝܕ ܫܒܪ̈ܐ ܕܒܝܬ ܫܒܪ̈ܐ ܕܫܐܙܕܐ، ܘܙܡܝܪܬܐ ܡܕܪܫܬܢܝܬܐ ܦܝܫܠܗܿ ܡܘܩܪܒܬܐ ܒܝܕ ܝܠܘܦ̈ܐ ܕܡܕܪܫܬܐ ܕܚܡܘܪܒܝ ، ܥܡ ܢܘܩܙ̈ܐ ܘܓܠܚ̈ܐ ܕܦܪ̈ܨܘܦܐ ܘܓܠܘܢܝ̈ܬܐ ܟܪ̈ܬܘܢܝܐ، ܡܘܒܣܡܠܗܘܢ ܠܒܐ ܕܫܒܪ̈ܐ ܡܫܘܬܦ̈ܐ ܓܘ ܙܘܝܚܐ.
ܘܦܝܫ ܕܟܝܪܐ، ܕܝܘܡܐ ܕܫܒܪܐ (Children’s Day) ، ܝܠܗ ܝܘܡܐ ܕܦܝܫ ܡܙܘܝܚܐ ܓܘܗ ܒܫܒܪ̈ܐ، ܒܣܝܩܘܡ̈ܐ ܣܘܪ̈ܓܕܝ̈ܐ ܡܫܚܠܦ̈ܐ، ܒܐܬܪ̈ܘܬܐ ܡܫܚܠܦ̈ܐ ܕܬܒܝܠ، ܠܦܘܬ ܝܪܬܘܬܝܗܝ ܘܝܘܪܬܢܝܗܝ ܡܕܝܢܝܐ.
