ܬܦܩܠܗ ܡܕܒܪܢܐ ܓܘܢܝܐ ܕܕܝܘܢ ܘܙܝܪܘܬ ܡܪܕܘܬܐ ܘܥܠܝܡ̈ܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ “ܚܠܝܠ ܥܒܕܠܠܗ”، ܝܘܡ ܐܪܒܥܒܫܒܐ 17 ܬܡܘܙ 2024، ܒܡܕܒܪ̈ܢܐ ܕܡܕܒܪܢܘܬܐ ܘܚܫܘܿܒܼܘܼܬܐܓܘ ܡܕܒܪ̈ܢܘܬܐ ܓܘܢܝ̈ܐ ܢܩܝܦ̈ܐ ܠܘܙܝܪܘܬܐ، ܒܢܝܫܐ ܕܕܘܪܫܐ ܕܨܒܼܘ̈ܬܐ ܡܕܒܪ̈ܢܝܐ ܘܩܢܘܢ̈ܐ ܘܠܘܚ̈ܐ ܦܠܝܚ̈ܐ ܓܘܝܗܝ ܓܘ ܩܠܝܡܐ.
ܘܚܒܫܠܗܿ ܟܦܫܬܐ ܕܘܪܫܐ ܕܡܢܝܢܐ ܡܢ ܨܒܘ̈ܬܐ ܡܕܒܪ̈ܢܝܐ ܘܚܫܘܿܒܼܘܼܬܢܝ̈ܐ، ܥܡ ܫܪܪܬܐ ܕܡܦܠܚܬܐ ܕܩܢܘܢ̈ܐ ܘܠܘܚ̈ܐ ܦܠܝܚ̈ܐ ܓܘܝܗܝ ܓܘ ܩܠܝܡܐ ܕܟܘܪܕܣܬܢ، ܥܡ ܫܩܠܬܐ ܕܦܘܣܩܢ̈ܐ ܐܢܝ ܕܫܪܝ ܩܛܪ̈ܐ ܘܥܣܩ̈ܘܬܐ ܕܐܝܬܠܗܘܢ ܡܥܒܕܢܘܬܐ ܒܦܘܠܚܢܐ ܕܚܘܕܪ̈ܐ ܡܕܒܪܢܝܐ ܘܚܫܘܿܒܼܘܼܬܢܝ̈ܐ ܓܘ ܡܕܒܪ̈ܢܘܬܐ ܓܘܢܝ̈ܐ ܢܩܝܦ̈ܐ ܠܘܙܝܪܘܬܐ.
ܘܡܫܘܬܦܠܗ ܓܘ ܟܦܫܬܐ ܡܕܒܪ̈ܢܐ ܦܘܪ̈ܢܣܝܐ ܘܡܚܫܒܢ̈ܐ ܡܢ ܡܕܒܪ̈ܢܘܬܐ ܓܘܢܝ̈ܐ ܡܫܚܠܦ̈ܐ ܢܩܝܦ̈ܐ ܠܘܙܝܪܘܬܐ ܕܡܪܕܘܬܐ ܘܥܠܝܡ̈ܐ ܓܘ ܩܠܝܡܐ ܕܟܘܪܕܣܬܢ، ܡܢܝܗܝ ܡܕܒܪ̈ܢܘܬܐ ܕܥܠܝܡ̈ܐ ܘܐܬܠܝܛܘܬܐ، ܝܘܕܥܐ ܘܦܪܣܐ ، ܒܬܝ̈ ܐܪ̈ܟܐ ܓܘܢܝ̈ܐ، ܡܪܕܘܬܐ ܘܐܡܢ̈ܐ ܓܘ ܐܪܒܝܠ، ܡܪܕܘܬܐ ܘܐܡܢ̈ܐ ܬܘܪ̈ܟܡܢܝܐ ܘܡܪܕܘܬܐ ܘܐܡܢ̈ܐ ܣܘܪ̈ܝܝܐ ܗܝ ܕܟܡ ܡܡܬܠܗܿ ܡܕܒܪܢܐ ܕܡܕܒܪܢܘܬܐ ܘܝܬܢܝܘܬܐ “ܦܘܐܕ ܫܡܥܘܢ” ، ܘܥܕܘܪܐ ܡܫܬܐܠܢܐ ܕܚܘܫܒܢ̈ܐ “ܪܓ̰ܐܐ ܫܡܥܘܢ” .
