ܡܫܘܬܦܠܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܓܘ ܙܘܝܚܐ ܕܐ̄ܟܠܪܡܫܐ ܫܢܬܢܝܐ ܗܘ ܕܩܝܡܠܗ ܒܓܘܗ ܫܘܬܐܣܐ ܕܓܠܘܝܘܬܐ ܟܠܕܝܬܐ ܓܘ ܡܕܝܢ̄ܬܐ ܕܕܝܬܪܘܝܬ ܒܐܘܚܕܢܐ ܕܡܫܝܓܐܢ ܐܡܪܝܟܝܐ ܒܝܘܡܐ ܕܥܪܘܒܬܐ 22 ܐܝܠܘܠ 2023.
ܘܐ̄ܬܝܠܗܿ ܡܫܘܬܦܬܐ ܕ”ܐܘܓܼܢܐ” ܡܢ ܡܫܕܪܘܬܐ ܡܢ ܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܚܒܫܠܗܿ ܘܙܝܪܐ ܕܡܘܒܠܢܘܬܐ ܘܛܘܦܝ̈ܐ ܡܝܩܪܐ “ܐܢܘ ܓ̰ܘܗܪ” ܘܡܛܦܣܢܝܬܐ ܕܫܘܠܛܢܘܬܐ ܕܩܠܝܡܐ ܓܘ ܘܐܫܢܛܢ ܡܝܩܪܬܐ “ܬܪܝܦܐ ܥܙܝܙ” .
ܘܦܝܫ ܕܟܝܪܐ ܕܫܘܬܐܣܐ ܕܓܠܘܝܘܬܐ ܟܠܕܝܬܐ ܝܠܗ ܡܛܟܣܬܐ ܡܩܪܒܐ ܬܫܡܫܝ̈ܬܐ ܐ̄ܢܫܝ̈ܐ ܘܟܢܘܫܝܝ̈ܐ ܡܫܘܬܐܣܠܗ ܫܢ̄ܬܐ ܕ2006 ܓܘ ܐܘܚܕܢܐ ܕܡܫܝܓܐܢ ܗܘ ܕܚܒܫ ܓܠܘܝܘܬܐ ܟܠܕܝܬܐ ܒܫ ܪܒܬܐ ܓܘ ܐܘܚܕܢ̈ܐ ܡܚܝܕ̈ܐ ܐܡܪ̈ܝܟܝܐ ܘܥܒܕ ܙܘܝܚܐ ܕܐ̄ܟܠܪܡܫܐ ܗܢܐ ܐܝܟ ܥܝܕܐ ܫܢܬܢܝܐ.
