ܡܫܘܬܦܠܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܓܘ ܠܘܡܕܐ ܕ ( ܣܓܝܐܘܬܐ ܬܘܕܝܬܢܝܬܐܓܘ ܥܝܪܩ.. ܡܕܒܪܢܘܬܐ ܕܐܕܫܢܝܘܬܐ ܘܣܩܘܒܠܝܘ̈ܬܐ ܕܦܘܪܫܢܐ ) ܗܘ ܕܦܝܫܠܗ ܥܒܝܕܐ ܒܝܕ ܚܘܕܪܐ ܕܩܨܪܐ ܕܠܘܡܕ̈ܐ ܝܘܡܐ ܕܬܪܝܢܒܫܒܐ 27 ܬܫܪܝܢ ܬܪܝܢܐ 2023 ، ܓܘ ܐܘܢܐ ܕܡܚܡܕ ܪܨܿܐ ܐܠܫܒܝܒܝ. ܒܛܘܝܒܐ ܕܡܢܝܢܐ ܡܢ ܡܫܬܐܠܢ̈ܐ ܘܩܝܘܡ݁̈ܐ ܘܡܠܘܟ̈ܐ ܘܦܪ̈ܨܘܦܐ ܡܪ̈ܕܘܬܢܝܐ ܘܟܢܘܫܝܝ̈ܐ ܘܬܘܕܝܬܢܝ̈ܐ.
ܘܚܒܫܠܗܘܢ ܦܘܠܚܢ̈ܐ ܕܠܘܡܕܐ ܬܪܬܝ ܝܬܒܝ̈ܬܐ ܣܘܘܕܝ̈ܐ ܚܕܪ ܐܕܫܢܝܘܬܐ ܡܪܕܘܬܢܝܬܐ ܘܟܢܘܫܝܝܬܐ ܘܡܠܦܢܘܬܢܝܬܐ ܘܫܒܝܠ̈ܐ ܕܒܢܝܬܐ ܘܣܢܕܬܐ ܕܚܝܝܬܐ ܫܝܢܝܬܐ . ܘܦܝܫܠܗܿ ܥܒܝܕܬܐ ܓܘ ܙܘܝܚܐ ܕܚܘܬܡܐ ܡܝܩܪܢܘܬܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܕܘܪܥܐ ܕܠܘܡܕܐ ܐܝܩܪܐ ܠܕܘܪܗܿ ܣܢܕܢܐ ܘܡܫܘܬܦܬܗܿ ܥܒܘܕܬܐ ܓܘܗ، ܦܝܫܠܗ ܝܗ̇ܒܝܠܐ ܒܝܕ ܡܕܒܪܢܐ ܓܘܢܝܐ ܕܚܘܕܪܐ ܕܩܨܪܐ ܕܠܘܡܕ̈ܐ ܕܟܬܘܪ “ܡܢܬܨܪ ܨܒܐܚ ܐܠܚܣܢܐܘܝ” ܠܡܕܒܪܢܗܿ ܓܘܢܝܐ ܡܝܩܪܐ “ܟܠܕܘ ܪܡܙܝ ܐܘܓܼܢܐ”.
