ܡܫܘܬܦܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ، ܒܝܘܡܐ ܕܫܒܬܐ 24 ܚܙܝܪܢ 2023 ، ܓܘ ܝܬܒܬܐ ܣܘܘܕܝܬܐ ܗܝ ܕܟܡ ܛܟܣܠܗ ܒܝܬ ܨܘܒܐ ܕܟܘܪܕܣܬܢ ܓܘ ܐܪܒܝܠ ܒܥܘܕܪܢܐ ܥܡ ܒܝܬ ܨܘܒܐ ܕܟܡܒܪܝܕܓ̰ ܒܪܝܛܢܝܐ ܗܝ ܕܚܒܫܠܗܿ ܡܠܘܐܐ ܚܕܪ ܝܪܬܘܬܐ ܣܦܘܬܢܝܬܐ ܕܡܟܝ̈ܢܬܐ ܓܘ ܩܠܝܡܐ .
ܘܚܘܬܬܠܗ ܡܝܩܪܐ ” ܟܠܕܘ ܪܡܙܝ ܐܘܓܼܢܐ” ܒܝܬܒܬܐ ܣܘܘܕܝܬܐ ܥܠ ܐܢܢܩܝܘܬܐ ܕܝܨܝܦܘܬܐ ܒܝܪܬܘܬܐ ܣܦܘܬܢܝܬܐ ܘܬܘܢܝܬܐ ܥܡܡܝܬܐ ܒܥܠܬܐ ܕܡܛܦܣܢܝ ܗܝܝܘܬܐ ܕܥܡܡ̈ܐ، ܘܪܡܙܠܗ ܕܝܠܝܗܝ ܕܪܫܐ ܩܕܡܝܐ ܕܝܠܦܠܗܘܢ ܫܒܪܐ ܡܢ ܡܬܚܐ ܕܒܪܝܬܗ.
ܘܡܘܙܝܕܠܗ ” ܐܘܓܼܢܐ” ܒܐܡܪܐ : ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܚܦܛܐ ܒܐܡܝܢܘܬܐ ܓܘ ܫܫܠܬܐ ܕܡܐܡܪ̈ܐ ܕܦܪܣܐܠܗܘܢ ܓܘ ܡܓܠܬܗܿ (ܒܢܐܦܠ) ܥܠ ܝܨܝܦܘܬܐ ܒܝܪܬܘܬܐ ܣܦܘܬܢܝܬܐ ܘܬܘܢܝܬܐ ܥܡܡܝܬܐ.
ܘܦܝܫܠܗܘܢ ܡܛܝܒ̈ܐ ܠܝܬܒܬܐ ܣܘܘܕܝܬܐ ܡܢܝܢܐ ܡܢ ܒܨܘܝ̈ܐ ܘܐܟܕܝܡܝ̈ܐ ܘܟܫܝܪ̈ܐ
