ܣܥܪܠܗ ܡܕܒܪܢܐ ܓܘܢܝܐ ܕܡܪܕܘܬܐ ܙܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ، ܝܘܡ ܥܪܘܒܬܐ 1 ܟܢܘܢ ܩܕܡܝܐ 2023، ܫܘܩܐ ܕܛܒܬܐ ܗܘ ܕܦܝܫܠܗ ܥܒܝܕܐ ܒܝܕ ܡܛܟܣܬܐ ܕܣܡܝܪ ܐܡܝܣ ܛܒܘܬܢܝܬܐ ܒܥܘܕܪܢ ܥܡ ܟܢܘܫܬܐ ܕܡܪܕܘܬܐ ܟܠܕܝܬܐ ܓܘ ܐܘܢܐ ܕܟܢܘܫܬܐ ܓܘ ܥܢܟܒܐ، ܘܝܗ̄ܘܬ ܒܣܩܒܠܬܗ ܡܕܒܪܢܝܬܐ ܕܡܛܟܣܬܐ ” ܠܘܝܙܐ ܕܘܝܕ”.
ܘܫܘܪܪܠܗ “ܐܘܓܼܢܐ” ܒܥܕܢ ܟܪܟܝܘܬܗ ܒܡܢܘ̈ܬܐ ܕܫܘܩܐ ܥܠ ܣܢܕܬܗ ܠܦܘܠܚܢ̈ܐ ܝܪ̈ܬܘܬܢܝܐ ܘܦܘܠܚܢ̈ܐ ܕܐܝܕܐ ܘܓܪܐ ܕܐܢ̄ܬܬܐ ܒܟܪܐ ܓܘ ܬܪ̈ܡܝܬܐ ܕܦܪ̈ܝܐ ܕܘܟܬܢܝ̈ܐ ܡܪܐ ܕܛܒܥܐ ܝܪܬܘܬܢܝܐ ܘܛܒܘܬܢܝܐ ܗܘ ܕܐܝܬܠܗ ܡܥܒܕܢܘܬܐ ܪܒܬܐ ܒܢܛܪܬܐ ܕܝܪܬܘܬܐ ܕܥܡܢ ܘܫܢܝܬܗ ܒܝܢܬ ܝܘܒܠ̈ܐ.
ܘܚܒܫܠܗܘܢ ܥܒܘܕܘ̈ܬܐ ܕܫܘܩܐ ܡܢܝܢܐ ܡܢ ܓܠܚ̈ܐ ܚܙܘܝ̈ܐ ܘܡܘܣܝܩܝ̈ܐ ܘܥܡ ܡܫܘܬܦܬܐ ܕܡܢܝܢܐ ܡܢ ܥܠܝܡ̈ܐ ܡܢ ܬܪܘܝܗܝ ܓܢܣ̈ܐ ܒܓܠܚܐ ܕܦܘܠܚܢ̈ܝܗܝ ܕܐܝܕܐ ܐܢܝ ܕܡܘܙܝܕܠܗܘܢ ܚܕܐ ܓܝܫܬܐ ܐܡܢܝܬܐ ܘܡܕܪܘܬܢܝܬܐ ܥܠ ܫܘܩܐ.
