ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܝܘܡ ܚܕܒܫܒܐ 26 ܟܢܘܢ ܬܪܝܢܐ 2025، ܗܕܡܐ ܕܦܩܘܕܘܬܐ ܕܐܣܝܪܘܬܐ ܣܘܪܝܝܬܐ ܓܘ ܠܒܢܢ ܕܟܬܘܪ (ܓܐܪܝ ܨܠܝܒܐ).
ܘܓܠܚܠܗ (ܐܘܓܼܢܐ) ܒܣܘܘܕܗ ܠܟܫܝܪ̈ܘܬܐ ܘܥܒܘܕܘ̈ܬܐ ܒܫ ܐܢܢܩܝ̈ܐ ܐܢܝ ܡܛܟܣܐܠܗܘܢ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܘܓܪܝܗܝ ܒܢܛܪܬܐ ܕܝܪܬܘܬܐ ܕܥܡܢ ܘܡܪܕܘܬܗ ܘܫܒܝ̈ܠܐ ܕܛܘܪܢܬܝܗܝ ܒܥܝܪܩ ܘܦܢܝܬܐ، ܘܫܘܪܪܠܗ ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܫܘܬܐܣ̈ܐ ܘܦܪ̈ܨܘܦܐ، ܠܬܫܡܫܬܐ ܕܝܪܬܘܬܢ ܘܡܪܕܘܬܢ ܓܘ ܡܕܢܚܐ
ܘܫܘܪܪܠܗܘܢ ܬܪܘܝܗܝ ܓܢ̄ܒܢ̈ܐ ܥܠ ܐܢܢܩܝܘܬܐ ܕܥܘܕܪܢܐ ܡܫܘܬܦܐ ܘܫܒܝܠ̈ܐ ܕܥܒܕܬܐ ܕܬܪ̈ܡܝܬܐ ܕܥܬܝܕܝ̈ܐ ܒܝܢܬ ܬܪܘܝܗܝ ܓܢ̄ܒܢ̈ܐ، ܒܢܝܫܐ ܕܢܛܪܬܐ ܕܝܪܬܘܬܐ ܕܗܢ ܥܡܐ ܫܪܫܝܐ ܓܘ ܡܕܢܚܐ.