ܩܝܡܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܬܪܝܢܒܫܒܐ 5 ܐܝܪ 2025، ܒܣܥܘܪܘܬܐ ܕܡܕܒܪܢܘܬܐ ܕܡܪܕܘܬܐ ܣܘܪܝܝܬܐ ܓܘ ܗܘܦܪܟܝܐ ܕܕܗܘܟ، ܘܝܗ̄ܘܘ ܒܣܩܒܠܬܗ ܡܕܒܪܢܗܿ (ܪܐܐܕ ܓ̰ܪܓ̰ܝܣ ܐܒܪܐܗܐ) ܘܟܕܝܪ̈ܐ ܘܫܕܬܢ̈ܐ ܕܡܕܒܪܢܘܬܐ ܓܘ ܗܘܦܪܟܝܐ.
ܘܥܒܕܠܗ (ܐܘܓܼܢܐ) ܒܚܘܬܡܐ ܕܣܥܘܪܘܬܐ ܟܦܫܬܐ ܪܘܝܚܬܐ ܥܡ ܟܕܝܪ̈ܐ ܡܕܒܪܢܝܐ ܘܫܕܬܢܝܐ ܕܡܕܒܪܢܘܬܐ، ܒܢܝܫܐ ܕܕܘܪܫܐ ܕܣܘܪܛܐ ܕܦܘܠܚܢܐ ܚܕܬܐ ܠܡܪܡܬܐ ܕܩܐܡ ܡܪܕܘܬܢܝܐ ܕܥܡܢ ܓܘ ܗܘܦܪܟܝܐ ܕܕܗܘܟ، ܘܫܘܪܪܠܗ (ܐܘܓܼܢܐ) ܓܘ ܟܦܫܬܐ ܥܠ ܐܢܢܩܝܘܬܐ ܕܥܘܕܪܢܐ ܒܝܢ ܫܘܬܐܣ̈ܐ ܘܡܕܒܪ̈ܢܘܬܐ ܢܩܝܦ̈ܐ ܠܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܡܙܝܕܬܐ ܕܥܡܠܝܗܝ ܒܐܚܕܕܐ ܠܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ.
ܘܦܝܫܠܗ ܕܪܝܫܐ ܓܘ ܟܦܫܬܐ ܣܘܪܛܐ ܕܦܘܠܚܢܐ ܚܕܬܐ، ܘܟܫܝܪ̈ܘܬܐ ܘܥܒܘܕܘ̈ܬܐ ܒܫ ܐܢܢܩܝ̈ܐ ܐܢܝ ܒܣܒܼܪܐ ܕܩܝܡܐ ܓܘܝܗܝ ܡܕܒܪܢܘܬܐ ܓܘ ܦܢܝ̈ܬܐ ܡܫܚܠܦ̈ܐ ܕܥܡܢ ܒܡܬܚܐ ܕܫܢ̄ܬܐ ܩܐܡܝܬܐ.
