ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ”ܟܠܕܘ ܪܡܙܝ ܐܘܓܼܢܐ” ، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ “ܒܪܢܐܪܕ ܝܘܣܦ”، ܝܘܡ ܬܠܬܒܫܒܐ 7 ܐܝܪ 2024 ، ܓܘ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܪܘܣܬܩܐ ܕܥܢܟܒܐ، ܡܕܒܪܢܐ ܕܒܝܬ ܕܪܫܐ ܦܪܢܣܝܐ ܕܡܕܢܚܐ ܬܚܬܝܐ ܓܘ ܐܪܒܝܠ “ܓ̰ܘܪܓ̰ ܡܥܡܪ”، ܠܕܘܪܫܐ ܕܫܒܝܠ̈ܐ ܆ܕܥܘܕܪܢܐ ܡܫܘܬܦܐ ܒܝܢ ܬܪܘܝܗܝ ܓܢ̄ܒܢ̈ܐ.
ܘܟܪܟܼܠܗ ܐܪܚܐ ܒܡܢܘ̈ܬܐ ܕܒܝܬ ܥܬܝܩ̈ܬܐ ܘܚܙܐܠܗ ܐܝܬܘܝ̈ܬܗ ܘܩܢܝ̈ܬܗ ܝܪ̈ܬܘܬܢܝܐ، ܘܐܦ ܗܕܟ ܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܡܬܚܐ ܕܣܥܘܪܘܬܐ ܐܘܦܩ̈ܐ ܕܥܘܕܪܢܐ ܡܫܘܬܦܐ ܘܫܒܝܠ̈ܐ ܕܥܒܕܬܐ ܕܬܪ̈ܡܝܬܐ ܕܥܬܝܕܝ̈ܐ ܒܝܢ ܬܪܘܝܗܝ ܓܢ̄ܒܢ̈ܐ، ܒܢܝܫܐ ܕܢܛܪܬܐ ܕܝܪܬܘܬܐ ܕܒܨܘܪ̈ܘܬܐ ܓܘ ܡܕܢܚܐ.
ܘܦܝܫ ܕܟܝܪܐ، ܕܒܝܬ ܕܪܫܐ ܦܪܢܣܝܐ ܕܡܕܢܚܝܐ ܬܚܬܝܐ IFPO ، ܦܝܫ ܡܚܘܫܒܢܐ ܡܛܟܣܬܐ ܒܘܨܝܝܬܐ ܦܪܢܣܝܬܐ، ܐܝܬܠܗܿ ܦܪ̈ܥܐ ܒܡܢܝܢܐ ܡܢ ܐܬܪ̈ܘܬܐ ܕܡܕܢܚܐ ܡܨܥܝܐ، ܘܦܠܚ ܒܝܬ ܕܪܫܐ ܒܥܕܢܐ ܩܐܡܝܐ ܥܠ ܬܪܡܝܬܐ ܕܥܒܕܬܐ ܕܚܦܪ̈ܝܬܐ ܒܠܒܐ ܕܩܠܥܐ ܕܐܪܒܝܠ ܥܬܩܝܬܐ ، ܗܝ ܕܢܦܠܐ ܒܡܨܥܐ ܕܡܕܝܢ̄ܬܐ ܕܐܪܒܝܠ.
