ܡܫܘܬܦܠܗ ܡܕܒܪܢܐ ܕܡܕܪܘܬܐ ܣܘܪܝܝܬܐ ܓܘ ܕܗܘܟ “ܪܐܐܕ ܓ̰ܪܓ̰ܝܣ ܐܒܪܐܗܐ”، ܝܘܡ ܬܠܬܒܫܒܐ 18 ܚܙܝܪܢ 2024، ܓܘ ܚܘܪ̈ܩܢܐ ܕܩܒܪܬܐ ܕܝܕܘܥܐ ܘܡܟܬܒܢܐ (ܒܢܝܡܝܢ ܚܕܐܕ)، ܕܦܝܫܠܗܘܢ ܥܒܝܕܐ ܓܘ ܡܕܝܢ̄ܬܗ ܒܦܢܝܬܐ ܕܐܠܩܘܫ ܓܘ ܕܫܬܐ ܕܢܝܢܘܐ.
ܘܡܘܩܪܒܐܠܗܿ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬܐ ܕܩܠܝܡܐ ܕܟܘܪܕܣܬܢ ܒܘܝܐܐ، ܠܝܕܘܥܐ ܪܒܐ ܘܡܟܬܒܼܢܐ (ܒܢܝܡܝܢ ܚܕܐܕ)، ܗܘ ܕܫܘܢܐܠܗ ܠܓܢܘܢܐ ܫܡܝܢܐ، ܒܨܦܪܐ ܕܝܘܡ ܬܪܝܢܒܫܒܐ 17 ܚܙܝܪܢ 2024، ܒܥܠܬܐ ܕܟܘܪܗܢܐ ܥܣܩܐ ܒܚܕ ܡܢ ܒܬܝ̈ ܐܣܝܘܬܐ ܒܗܘܦܪܟܝܐ ܕܕܗܘܟ ܒܩܠܝܡܐ ܕܟܘܪܕܣܬܢ ܕܥܝܪܩ.
