ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܝܘܡ ܐܪܒܥܒܫܒܐ 30 ܬܫܪܝܢ ܩܕܡܝܐ 2024، ܓܘ ܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܡܫܕܪܘܬܐ ܡܢ ܡܕܪܫܬܐ ܕܐܪܒܥ̄ܐܝܠܘ ܣܘܪܝܝܬܐ، ܚܒܫܠܗܿ ܡܕܒܪܢܐ ܕܡܕܪܫܬܐ (ܣܥܕ ܒܘܝܐ ܝܠܕܐ) ܘܡܢܝܢܐ ܡܢ ܟܕܝܪ̈ܐ ܡܕܪ̈ܫܢܘܬܢܝܐ.
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܥܠ ܐܢܢܩܝܘܬܐ ܕܡܠܦܢܘܬܐ ܒܠܫܢܐ ܝܡܝܐ ܘܣܢܕܬܐ ܕܥܡܠܝܬܐ ܕܡܠܦܢܘܬܐ ܣܘܪܝܝܬܐ ܒܩܠܝܡܐ ܕܟܘܪܕܣܬܢ، ܘܫܘܪܪܠܗ (ܐܘܓܼܢܐ) ܥܠ ܐܢܢܩܝܘܬܐ ܕܡܠܦܢܘܬܐ ܕܝܘܒܠ̈ܐ ܐܬܝܢ̈ܐ ܒܠܫܢܐ ܝܡܝܐ ܠܢܛܪܬܗ ܘܛܘܪܢܬܗ ܒܩܠܝܡܐ ܘܩܢܛܪܘܢ.
ܘܬܢܐܠܗ (ܐܘܓܼܢܐ) ܒܚܘܬܡܐ ܕܣܘܘܕܗ ܥܠ ܐܢܢܩܝܘܬܐ ܕܣܕܝܪܘܬܐ ܘܥܘܕܪܢܐ ܡܫܘܬܦܐ ܒܡܩܪܒܬܐ ܕܚܘܪ̈ܙܐ ܕܝܠܢܝ̈ܐ ܠܫܒܪ̈ܐ ܠܬܫܡܫܬܐ ܕܡܠܦܢܘܬܐ ܣܘܪܝܝܬܐ ܒܩܠܝܡܐ، ܘܩܘܠܣܠܗ ܒܝܬ ܥܕܢܐ ܥܠ ܦܘܠܚܢܐ ܕܡܕܒܪܢܘܬܐ ܘܟܕܝܪ̈ܐ ܡܕܪ̈ܫܢܘܬܢܝܐ ܒܡܕܪ̈ܫܝܬܐ ܕܡܠܦܢܘܬܐ ܣܘܪܝܝܬܐ، ܘܫܘܪܪܠܗ (ܐܘܓܼܢܐ) ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠ ܫܘܬܐܣ̈ܐ ܕܥܡܢ ܡܪ̈ܕܘܬܢܝܐ ܘܟܢܘܫܝܝ̈ܐ ܘܫܘܠܛܢܝ̈ܐ ܡܪܐ ܕܐܣܘܪܐ.
