ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ ” ܟܠܕܘ ܪܡܙܝ ܐܘܓܼܢܐ” ، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ ܝܘܡ ܬܪܝܢܒܫܒܐ 26 ܫܒܛ 2024، ܡܘܣܝܩܘܪܐ ܘܡܫܕܪܐ ܕܩܛܢܝܘܬܐ ܕܥܝܪܩ ܩܕܝܡܐ ܓܘ ܕܢܡܐܪܟ “ܐܠܒܪܬ ܥܝܣܐ” .
ܘܦܝܫܠܗ ܕܪܝܫܐ ܓܘ ܬܦܩܬܐ ܩܐܡ ܕܡܘܣܝܩܐ ܣܘܪܝܝܬܐ ܘܡܨܝܢܘܬܐ ܕܥܒܕܬܐ ܕܒܬܝ̈ ܦܘܠܚܢ̈ܐ ܕܝܠܢܝ̈ܐ ܒܡܘܣܝܩܐ ܠܡܘܣܝܩܘܪ̈ܐ ܡܢ ܒܢܝ̈ ܥܡܢ ، ܘܫܘܪܪܠܗ “ܐܘܓܼܢܐ” ܕܬܪ̈ܥܐ ܕܡܕܒܪܢܘܬܐ ܦܬܝܚ̈ܐܝܠܗܘܢ ܠܥܘܕܪܢܐ ܥܡ ܟܠܝܗܝ ܦܪ̈ܨܘܦܐ ܘܫܘܬܐܣ̈ܐ ܣܘܪ̈ܝܝܐ ܡܪ̈ܕܘܬܢܝܐ ܘܐܡܢܝ̈ܐ ܕܐܝܬܠܗܘܢ ܐܣܘܪܐ.
ܘܦܝܫ ܕܟܝܪܐ، ܕܐܟܕܝܡܝܐ “ܐܠܒܪܬ ܥܝܣܐ” ܝܗ̄ܘܐ ܥܕܘܪܐ ܕܦܪܘܦܝܣܘܪܐ ܕܝܘܠܦܢ̈ܐ ܣܝܣܝ̈ܐ ܘܕܒܠܘܡܛܝܩܝ̈ܐ ܒܒܝܬ ܨܘܒܐ ܦܪܢܣܝܐ ܠܒܢܢܝܐ، ܘܕܪܓܼܐ ܕܡܫܕܪܐ ܕܥܝܪܩ ܩܕܝܡܐ ܓܘ ܕܢܡܐܪܟ.
