ܡܫܘܬܦܠܗ ܡܝܩܪܐ “ܦܘܐܕ ܫܡܥܘܢ” ܡܕܒܪܢܐ ܕܡܕܒܪܢܘܬܐ ܘܝܬܢܝܘܬܐ ܓܘ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܓܘ ܙܘܝܚܐ ܕܫܪܝܬܐ ܕܥܕܥܐܕܐ ܫܢ̄ܬܢܝܐ ܪܒܝܥܝܐ ܕܥܠܝܡܘܬܐ (ܬܦܩܬܐ ܕܒܢܝ̈ ܫܠܡܐ) ܕܥܕܬܐ ܕܣܘܪ̈ܝܝܐ ܐܪ̈ܬܕܘܟܣܝܐ ܓܘ ܥܝܪܩ، ܒܝܘܡܐ ܕܥܪܘܒܬܐ 22 ܐܝܠܘܠ 2023 ܒܛܘܝܒܐ ܕܡܢܝܢܐ ܡܢ ܡܝܩܪ̈ܐ ܐܦܣܩܘܦ݁̈ܐ ܘܐܒܗ̈ܬܐ ܟܗܢ̈ܐ ܘܟܢܫܐ ܕܥܠܝܡܘܬܐ.
ܘܫܩܠܠܗ “ܫܡܥܘܢ” ܬܚܠܘܦܘܬܐ ܡܢ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܕܘܪܥܐ ܕܥܕܥܐܕܐ ܕܡܝܩܪܬܐ ܗܘ ܕܟܡ ܡܩܪܒܠܗ ܡܪܘܬܗ ܕܡܝܛܪܦܘܠܝܛܐ ” ܢܝܩܘܕܝܡܘܣ ܡܬܝ ܫܪܦܿ” ܪܥܝܐ ܕܡܪܥܝܬܐ ܕܡܘܨܠ ܘܟܪܟܘܟ ܘܟܘܪܕܣܬܢ ܕܣܘܪ̈ܝܝܐ ܐܪ̈ܬܕܘܟܣܝܐ ܠܡܕܒܪܢܘܬܐ ܓܘܢܝܬܐ ܡܛܝܡܢܬܐ ܠܦܘܠܚܢ̈ܗܿ ܓܘ ܣܢܕܬܐ ܕܥܕܥܐܕܐ ܘܟܠܝܗܝ ܟܫܝܪ̈ܘܬܐ ܡܪ̈ܕܘܬܢܝܐ.
