ܡܝܪܟܼܬܐ ܕܡܩܪܒܬܐ ܕܟܪܝܘܬ ܒܘܨܝ̈ܐ ܕܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ

ܡܘܝܕܥܠܗܿ ܡܕܒܪܢܘܬܐ ܕܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ، ܒܡܬܚܐ ܐ̄ܚܪܝܐ، ܥܠ ܡܝܪܟܼܬܐ ܕܡܬܚܐ ܕܣܩܒܠܬܐ ܕܟܪܝܘܬ ܒܘܨܝ̈ܐ ܗܠ ܣܝܩܘܡܐ 7 ܡܢ ܬܡܘܙ ܐܬܝܢܐ.

ܘܐ̄ܬܝܠܗܿ ܗܕ ܦܣܘܥܬܐ ܠܝܗ̄ܒܠܬܐ ܕܦܘܪܣܐ ܠܒܨܘܝ̈ܐ ܘܕܪ̈ܫܢܐ ܠܫܘܬܦܬܐ ܓܘ ܦܘܠܚܢ݁̈ܐ ܘܝܬܒܝ̈ܬܐ ܕܣܝܡܦܘܙܝܘܡ ܣܘܪܝܝܐ ܩܕܡܝܐ ܗܘ ܕܒܥܝܐ ܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܩܛܪܬܗ ܒܥܘܕܪܢ ܥܡ ܩܢܛܪܘܢ ܕܝܘܢܢ ܗܘܙܝܐ ܕܒܘܨܝ̈ܐ ܘܕܪ̈ܫܝܬܐ ܕܥܬܝܕܝ̈ܐ، ܒܫܘܪܝܐ ܕܝܪܚܐ ܕܐܝܠܘܠ ܐܬܝܢܐ، ܓܘ ܪܘܣܬܩܐ ܕܥܢܟܒܐ ܒܗܘܦܪܟܝܐ ܕܐܪܒܝܠ.

ܘܦܝܫ ܕܟܝܪܐ، ܕܣܝܡܦܘܙܝܘܡ ܣܘܪܝܝܐ ܩܕܡܝܐ ܗܘ ܒܕ ܦܝܫ ܩܛܝܪܐ ܠܡܬܚܐ ܡܢ 5-8 ܐܝܠܘܠ ܐܬܝܢܐ، ܬܚܘܬ ܪܘܫܡܐ ” ܠܫܢܐ ܣܘܪܝܝܐ ܡܪܕܘܬܐ ܝ̄ܠܗ ܚܝܬܐ.. ܝܗܒܠ ܚܝܠܐ ܠܕܝܠܝ̈ܬܐ ܕܡܩܘܝܢܘܬܢ “، ܒܕ ܦܝܫ ܩܛܝܪܐ ܓܘ ܐܘܢܐ ܕܠܘܡܕ̈ܐ ܕܦܛܪܝܪܟܐ ܡܪܝ ܝܘܣܦ ܫܬܝܬܝܐ ܐܘܕܘ ܒܕܝܪ ܣܗܕܐ ܓ̰ܒܪܐܝܠ ܕܐܢܒܘ، ܓܘ ܥܢܟܒܐ ܒܐܪܒܝܠ، ܘܚܒܫ ܣܥܘܪ̈ܘܬܐ ܠܩܢܛܪܘܢ ܡܪܕܘܬܢܝܐ ܕܢܛܪܬܐ ܕܣܪ̈ܝܛܬܐ ܣܘܪ̈ܝܝܐ ، ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܘܩܢܛܪܘܢ ܕܡܟܬܒܼܢܘܬܐ ܪܩܡܝܬܐ ܕܣܪ̈ܝܛܬܐ ܡܕܢܚܝ̈ܐ.

ܠܡܩܪܒܬܐ ܕܒܘܨܝ̈ܐ ܘܕܪ̈ܫܝܬܐ ܠܫܘܬܦܬܐ ܓܘ (ܣܝܡܦܘܙܝܘܡ ܣܘܪܝܝܐ ܩܕܡܝܐ ܒܐܬܪܐ) ܒܐܘܪܚܐ ܕܐܣܘܪܐ ܕܐܬܐ:

ܠܫܢܐ ܣܘܪܝܝܐ:
https://mardutha.com/sc/events/%dc%a3%dc%9d%dc%a1%dc%a6%dc%98%dc%99%dc%9d%dc%98%dc%a1-%dc%a3%dc%98%dc%aa%dc%9d%dc%9d%dc%90-%dc%a9%dc%95%dc%a1%dc%9d%dc%90-%dc%92%dc%90%dc%ac%dc%aa%dc%90/
 

ܠܫܢܐ ܐܢܓܠܝܙܝܐ:
https://mardutha.com/en/events/call-for-papers/

ܠܫܢܐ ܥܪܒܝܐ
https://mardutha.com/events/%d8%a7%d9%84%d8%b3%d9%8a%d9%85%d8%a8%d9%88%d8%b2%d9%8a%d9%88%d9%85-%d8%a7%d9%84%d8%b3%d8%b1%d9%8a%d8%a7%d9%86%d9%8a-%d8%a7%d9%84%d8%a3%d9%88%d9%84/