ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܡܝܩܪܐ”ܟܠܕܘ ܪܡܙܝ ܐܘܓܼܢܐ”، ܘܡܕܒܪܢܐ ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܡܝܩܪܐ “ܒܪܢܐܪܕ ܝܘܣܦ” ، ܝܘܡ ܬܠܬܒܫܒܐ 28 ܐܝܪ 2024، ܓܘ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܒܪܘܣܬܩܐ ܕܥܢܟܒܐ، ܡܠܘܿܟܼܐ ܩܕܡܝܐ ܩܝܡܐ ܒܦܘܠܚܢ̈ܐ ܕܡܛܘܪܢܬܐ ܓܘ ܘܟܝܠܘܬܐ ܐܡܪܝܟܝܬܐ ܕܫܘܘܒܚܐ ( ܡܪܒܝܬܐ) ܬܒܠܝܐ ܓܘ ܥܝܪܩ (USAID) “ܕܝܓܼܘܿ ܡܐܪܟܘܝܣ”، ܒܢܝܫܐ ܕܚܙܝܬܐ ܕܬܪ̈ܡܝܬܐ ܐܢܝ ܕܩܝܡ ܓܘܝܗܝ ܒܝܬ ܥܬܝܩ̈ܬܐ ܒܥܘܕܪܢ ܥܡ ܘܟܝܠܘܬܐ.
ܘܟܪܟܸܠܗ ܐܪܚܐ ܒܡܢܘ̈ܬܐ ܕܒܝܬ ܥܬܝܩ̈ܬܐ ܘܚܙܐܠܗ ܠܡܬܩܕܡܢܘܬܐ ܒܪܝܬܐ ܓܘ ܬܪ̈ܡܝܬܐ ܐܢܝ ܕܒܩܝܡܐܝܠܗ ܓܘܝܗܝ ܒܝܬ ܥܬܝܩ̈ܬܐ ܒܥܘܕܪܢ ܥܡ ܘܟܝܠܘܬܐ، ܘܦܪܝܫܐܝܬ ܬܪܡܝܬܐ ܕ( ܢܛܪܬܐ ܕܝܪܬܘܬܐ ܡܪܕܘܬܢܝܬܐ ܕܒܨܘܪ̈ܘܬܐ ܓܘ ܥܝܪܩ) ܘܗܝ ܝܠܗܿ ܒܪܥܝܘܬܐ ܕ(USAID) ، ܗܘ ܕܫܒܩܠܗ ܒܝܬ ܥܬܝܩ̈ܬܐ ܕܡܣܓܼܠܢ ܠܝܪܬܘܬܐ ܣܘܪܝܝܬܐ ܘܦܝܫܐ ܒܐܝܕܐ ܕܒܨܘܝ̈ܐ.
ܘܦܝܫ ܕܟܼܝܪܐ، ܕܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܫܘܪܐܠܗ ܒܝܪܚܐ ܕܬܫܪܝܢ ܩܕܡܝܐ 2023، ܠܡܫܩܠܐ ܬܪܝܢܐ ܡܢ ܬܪܡܝܬܐ ܕ( ܢܛܪܬܐ ܕܝܪܬܘܬܐ ܡܪܕܘܬܢܝܬܐ ܕܒܨܘܪ̈ܘܬܐ ܓܘ ܥܝܪܩ) ܒܥܘܕܪܢ ܥܡ ܘܟܝܠܘܬܐ ܐܡܪܝܟܝܬܐ ܕܫܘܘܒܚܐ ( ܡܪܒܝܬܐ) ܬܒܠܝܐ(USAID) ، ܘܐܘܝܘܬܐ ܕܥܬܩ̈ܐ.
