ܣܘܩܒܠܗ ܡܝܩܪܐ “ܟܠܕܘ ܪܡܙܝ ܐܘܓܼܢܐ” ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ، ܡܝܩܪܐ “ܥܡܐܕ ܣܐܠܡ ܓ̰ܓ̰ܘܿ” ܡܕܒܪܢܐ ܓܘܢܝܐ ܕܕܪܫܬܐ ܣܘܪܝܝܬܐ ܓܘ ܫܘܠܛܢܘܬܐ ܚܘܝܕܝܬܐ ܘܒܚܒܪܘܬܐ ܕܡܝܩܪܐ” ܢܙܐܪ ܚܢܐ” ܡܕܒܪܢܐ ܓܘܢܝܐ ܕܡܠܦܢܘܬܐ ܣܘܪܝܝܬܐ ܓܘ ܩܠܝܡܐ ܕܟܘܪܕܣܬܢ، ܒܨܦܪܐ ܕܐܪܒܥܒܫܒܐ 30 ܐܒ 2023 ܒܒܢܝܢܐ ܕܡܕܒܪܢܘܬܐ ܓܘ ܪܘܣܬܩܐ ܕܥܢܟܒܐ.
ܘܦܝܫܠܗ ܕܪܝܫܐ ܓܘ ܬܦܩܬܐ ܢܘܣܝܐ ܕܡܠܦܢܘܬܐ ܣܘܪܝܝܬܐ ܘܡܐ ܒܚܙܝܐܠܗܿ ܡܢ ܥܣܩ̈ܘܬܐ ܘܩܛܪ̈ܐ ܘܫܒܝ̈ܠܐ ܕܫܪܝܬܝܗܝ ܘܡܥܒܕܢܘܬܐ ܕܗܢ ܢܘܣܝܐ ܥܠ ܩܐܡ ܡܪܕܘܬܢܝܐ ܣܘܪܝܝܐ ܓܘ ܥܝܪܩ ܘܩܠܝܡܐ. ܘܚܘܬܬܠܗ ” ܐܘܓܼܢܐ” ܥܠ ܛܘܝܒܐ ܕܡܕܒܪܢܘܬܐ ܓܘܢܝܬܐ ܠܥܘܕܪܢܐ ܥܡ ܟܠܝܗܝ ܫܘܬܐܣ̈ܐ ܕܡܠܦܢܘܬܐ ܣܘܪܝܝܬܐ ܘܫܘܬܐܣ̈ܐ ܡܪ̈ܕܘܬܢܝܐ ܕܥܡܢ ܒܝܝܫܐ ܕܡܛܘܪܢܘܬܐ ܕܠܫܢܐ ܣܘܪܝܝܐ.
ܘܩܘܠܣܠܗܘܢ ܬܪܘܝܗܝ ܐܪ̈ܚܐ ܒܟܫܝܪ̈ܘܬܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܘܥܒܘܕܘ̈ܬܗܿ ܡܫܚܠܦ̈ܐ ܓܘ ܦܢܝ̈ܬܐ ܡܫܚܠܦ̈ܐ ܕܥܡܢ، ܘܚܘܬܬܠܗܘܢ ܠܛܘܝܒܐ ܕܡܕܒܪ̈ܢܘܬܝܗܝ ܠܥܘܕܪܢܐ ܓܘ ܓܝܓܼ̈ܠܐ ܡܪ ܐܣܘܪܐ.
