ܡܫܘܬܦ ܡܦܩܢܐ (ܒܐܙ ܫܡܥܘܢ ܐܠܒܐܙܝ)، ܚܕ ܡܢ ܒܢܝ̈ ܥܡܢ ܦܠܚ̈ܐ ܓܘ ܓܝܓܼܠܐ ܕܡܦܩܢܘܬܐ ܘܣܝܢܡܐ، ܓܘ ܠܝܣܬܐ ܟܪܝܬܐ ܕܫܪܝܬܐ ܕܣܢܕܬܐ ܕܣܝܢܡܐ ܥܝܪܩܝܬܐ ܓܘ ܙܘܠܐ (ܦܠܡܐ) ܡܬܢܝܢܐ ܐܪܝܟܐ (لعنة نوته) .
ܘܕܟܪܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܡܥܒܪܬܐ ܕܦܠܡܐ ܕ ((لعنة النوتة) ܕܡܦܩܢܐ (ܒܐܙ ܫܡܥܘܢ) ܓܘ ܠܝܣܬܐ ܟܪܝܬܐ، ܡܫܪܪ ܦܘܬܚܐ ܕܫܪܝܬܐ ܥܠ ܢܘܣܝ̈ܐ ܣܝܢܡܝ̈ܐ ܡܫܚܠܦ̈ܐ ܟܡܚܙܝ ܩܐܡܢ ܡܪܕܘܬܢܝܐ ܥܬܝܪܐ)، ܘܡܘܩܪܒܠܗ ܩܘܒܠܛܝܒܘܬܗ ܘܐܝܩܪܗ ܠܣܝܥܬܐ ܕܫܪܝܬܐ ܕܣܢܕܬܐ ܕܣܝܢܡܐ ܥܝܪܩܝܬܐ ܥܠ ܥܡܠܝ̈ܗܝ ܪ̈ܒܐ ܒܣܢܕܬܐ ܕܡܨܝ̈ܬܐ ܒܪ̈ܘܝܝܐ، ܘܨܝܦܘܬܗܿ ܥܠ ܐܕܫܢܝܘܬܐ ܕܬܪ̈ܡܝܬܐ ܘܡܡܬܠܬܐ ܕܩܠ̈ܐ ܘܦܢܝ̈ܬܐ ܡܫܚܠܦ̈ܐ ܓܘ ܐܬܪܐ.
ܘܦܝܫ ܕܟܝܪܐ، ܕܡܦܩܢܐ (ܒܐܙ ܫܡܥܘܢ ܐܠܒܐܙܝ)، ܐܝܬܠܗ ܣܗܕܘܬܐ ܕܡܓ̰ܣܬܝܪ ܫܢ̄ܬܐ ܕ 1989 ܓܘ ܦܠܡܐ ܬܠܦܙܝܘܢܝܐ، ܡܢ ܟܠܢܝܘܬܐ ܕܝܘܕܥܐ ܓܘ ܒܝܬ ܨܘܒܐ ܕܒܪܐܓܼ، ܘܦܠܚܠܗ ܓܘ ܡܢܝܢܐ ܡܢ ܫܒܟ̈ܐ ܬܠܦܙܝܘܢܝ̈ܐ ܓܘ ܡܕܢܚܐ ܡܨܥܝܐ ܘܥܝܪܩ ܘܓܪܫܠܗ ܕܪܥܢܐ ܥܠ ܬܦܪ̈ܝܬܐ ܣܝܢܡܝ̈ܐ ܚܐܪ̈ܐ، ܟܪ̈ܝܐ ܘܐܪ̈ܝܟܐ.