ܣܘܩܒܠܗ ܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܩܠܝܡܐ ܕܟܘܪܕܣܬܢ ܡܝܩܪܐ (ܟܠܕܘ ܪܡܙܝ ܐܘܓܼܢܐ)، ܝܘܡ ܬܠܬܒܫܒܐ 7 ܟܢܘܢ ܬܪܝܢܐ 2025، ܒܒܢܝܢܐ ܕܡܕܒܪܢܘܬܐ ܒܪܘܣܬܩܐ ܕܥܢܟܒܐ، ܡܦܩܢܐ ܣܝܢܡܝܐ ܘܒܐܡܝܐ (ܪܦܝܩ ܢܘܪܝ ܚܢܐ).
ܘܕܪܫܠܗܘܢ ܬܪܘܝܗܝ ܓܢ̄ܒܢ̈ܐ ܒܣܘܘܕܝܗܝ ܩܐܡ ܡܪܕܘܬܢܝܐ ܣܘܪܝܝܐ ܒܥܝܪܩ ܘܩܠܝܡܐ ܕܟܘܪܕܣܬܢ، ܘܡܘܩܪܒܠܗ (ܐܘܓܼܢܐ) ܒܡܬܚܐ ܕܬܦܩܬܐ ܦܘܫܩܐ ܟܪܝܐ ܚܕܪ ܟܫܝܪ̈ܘܬܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܘܫܘܬܦܬܝܗܝ ܒܛܘܪܢܬܐ ܕܩܐܡ ܡܪܕܘܬܢܝܐ ܕܥܡܢ ، ܘܫܘܪܪܠܗ ܒܝܬ ܥܕܢܐ ܕܬܪ̈ܥܐ ܕܡܕܒܪܢܘܬܐ ܓܘܢܝܬܐ ܦܬܝܚ̈ܐ ܝܠܗܘܢ ܠܥܘܕܪܢܐ ܥܡ ܟܠ ܦܪ̈ܨܘܦܐ ܘܫܘܬܐܣ̈ܐ ܡܪ̈ܕܘܬܢܝܐ ܡܪܐ ܕܐܣܘܪܐ.
ܘܒܚܘܬܡܐ ܕܬܦܩܬܐ ، ܡܘܩܪܒܠܗ ܐܪܚܐ ܠܡܕܒܪܢܐ ܓܘܢܝܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ، ܢܘܣܟܐ ܡܢ ܟܬܒܗ ܚܕܬܐ ܗܘ ܕܢܦܩܠܗ ܒܫܡܐ ܕ( ܨܝܕܠܝܘܬܐ ܕܢܦܫܘܟ)
ܘܦܝܫ ܕܟܝܪܐ، (ܪܦܝܩ ܢܘܪܝ ܚܢܐ) ، ܝܠܗ ܡܢ ܬܘܠܕܬܐ ܕܐܪܒܝܠ، ܐܝܬܠܗ ܣܗܕܘܬܐ ܕܕܝܦܠܘܡ ܕܐܡܢ̈ܐ ܒܐܡܝ̈ܐ ܘܒܟܠܘܪܝܘܣ ܝܘܠܦܢ ܢܦܫܐ ܟܢܘܫܝܝܐ.