ܣܥܪܠ̄ܗܿ ܡܫܕܪܘܬܐ ܕܡܕܒܪܢܘܬܐ ܓܘܢܝܬܐ ܕܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܫܘܠܛܢܘܬ ܩܠܝܡܐ ܕܟܘܪܕܣܬܢ ܒܪܡܫܐ ܕܫܒܬܐ 19 ܐܒ 2023 ܒܝܬ ܣܡܟܐ ܕܥܠܝܡ̈ܐ ܕܥܢܟܒܐ ܟܢܘܫܝܝܐ ܠܡܩܪܒܬܐ ܕܗܘܢܝ̈ܐ ܠܪܫܐ ܘܠܗܕܡ̈ܐ ܕܓܘܫܡܐ ܡܕܒܪܢܝܐ ܚܕܬܐ ܠܒܝܬ ܣܡܟܐ ܗܘ ܕܦܝܫܠܗ ܡܓܘܒܝܐ ܚܕܬܐ.
ܘܐ̄ܬܐ ܠܗܿ ܡܫܕܪܘܬܐ ܒܪܫܢܘܬ ܡܕܒܪܢܐ ܓܘܢܝܐ ܡܝܩܪܐ ܟܠܕܘ ܐܘܓܼܢܐ ܥܡ ܡܕܒܪܢܐ ܕܝܪܬܘܬܐ ܘܒܝܬ ܥܬܩ̈ܐ ܣܘܪܝܝܐ ܡܝܩܪܐ ܒܪܢܐܪܕ ܝܘܣܦ ܘܡܢܝܢܐ ܡܢ ܪ̈ܫܢܐ ܕܡܢ̈ܘܬܐ ܒܓܘܗܿ.
ܘܡܫܘܪܪܠ̄ܗ ܐܘܓܼܢܐ ܒܣܥܘܪܘܬܗ ܥܠ ܐܢܢܩܝܘܬ ܒܝܬ ܣܡܟܐ ܕܥܠܝ̈ܡܐ ܕܥܢܟܒܐ ܐܝܟ ܕܘܟܐ ܡܪܕܘܬܢܝܐ ܟܢܘܫܝܝܐ ܟܚܒܫ ܥܠܝ̈ܡܐ ܕܡܬܐ ܘܟܢܫܬܗܘܢ ܘܡܩܪܒܬܐ ܕܡܨܝܢ̈ܘܬܗܘܢ. ܘܐܦ ܡܫܘܪܪܠ̄ܗ ܥܠ ܐܠܨܝܘܬ ܫܡܥܬܐ ܠܥܠܝ̈ܡܐ ܒܗܝ ܕܝܠܗܘܢ ܒܢܝ̈ܐ ܘܩܒܠܬܐ ܕܡܚܫܚܝ̈ܬܗܘܢ ܘܦܠܚܐ ܒܪ̈ܥܝܢܗܘܢ ܚܕܬ̈ܐ ܠܡܐ ܕܡܫܡܫ ܒܥܘܝ̈ܬܗܘܢ ܘܣܢܕܠܗܘܢ ܥܠ ܦܝܫܬܐ ܘܥܪܝܬܐ ܒܐܪܥܐ ܕܐܒܗ̈ܬܐ، ܟܘܕ ܐܗܘ ܡܫܪܘܪܐ ܥܠ ܛܘܝܒܐ ܕܡܕܒܪܢܘܬܐ ܓܘܢܝܬܐ ܠܥܘܕܪܢܐ ܥܡ ܫܘܬܐܣ̈ܐ ܕܥܡܢ ܡܪ̈ܕܘܬܢܝܐ ܘܟܢܘܫܝܝ̈ܐ ܘܐܡܢܝ̈ܐ ܥܠ ܟܠܗܘܢ ܚܩܠ̈ܐ ܘܦܠܚܬܐ ܥܠ ܫܪܝܐ ܕܟܠ ܩܛܪ̈ܐ ܘܥܣܩܘ̈ܬܐ ܕܟܠܝ ܒܪܩܘܒܠ ܡܐܙܠܬܐ ܕܚܘܕܬܐ ܘܛܘܘܪܐ.
ܘܡܘܩܪܒܠܗܘܢ ܪܫܐ ܘܗܕܡ̈ܐ ܕܓܘܫܡܐ ܡܕܒܪܢܝܐ ܚܕܬܐ ܠܒܝܬ ܣܡܟܐ ܕܥܠܝ̈ܡܐ ܩܘܒܠܛܝܒܘܬܗܘܢ ܘܐܝܩܪܗܘܢ ܠܟܠ ܟܫܝܪ̈ܘܬܐ ܘܫܘܬܦܝ̈ܬܐ ܕܡܕܒܪܢܘܬܐ ܓܘܢܝܬܐ ܠܡܪܕܘܬܐ ܘܐܡܢ̈ܐ ܣܘܪ̈ܝܝܐ ܒܣܢܕܬܐ ܕܙܘܥܐ ܡܪܕܘܬܢܝܐ ܘܐܡܢܝܐ ܥܠܝܡܝܐ ܒܣܒܪܐ ܕܗܘܐ ܥܘܕܪܢܐ ܡܫܘܬܦܐ ܥܠ ܟܫܝܪ̈ܘܬܐ ܒܫ ܟܒܝܪ̈ܐ ܘܦܪ̈ܝܫܐ.
